"جەر ساتىلا ما, ساتىلماي ما, ساتىلسا قانداي جاعدايدا ساتىلادى دەگەن سۇراقتار قويىلدى. تاعى بٸر جاعداي - كوميسسييا مٷشەلەرٸ قازاقستان ازاماتتارىنا جەردٸ ساتىپ قانا قويماي, جالعا بەرۋ تۋرالى نورمانى قالدىرۋ مەسەلەسٸن دە قوزعادى", - دەدٸ ساعىنتاەۆ.
"بٸردەن شەشٸم قابىلدانبايتىنى تٷسٸنٸكتٸ. ٶڭٸرلەردٸ ارالايمىز دەپ كەلٸستٸك. حالىقتىڭ پٸكٸرٸن تىڭداپ, ۇسىنىسىمىزدى ارى قاراي پارلامەنتكە بەرۋ ٷشٸن پىسىقتايمىز", - دەدٸ ول.
ساعىنتاەۆتىڭ ايتۋىنشا, وتىرىس بارىسىندا جەردٸ قازاقستاندىقتارعا تەگٸن بەرۋ مەسەلەسٸ دە قاراستىرىلعان. ول بۇل سۇراقتىڭ جۇمىس توپتارىنىڭ وتىرىسى بارىسىندا قاراستىرىلاتىنىن جەتكٸزدٸ.
"كوميسسييانىڭ 38 مٷشەسٸ ٶز ويلارىن جەتكٸزدٸ. ەڭ باستى ساۋال – جەردٸ ساتۋعا جول بەرمەۋ. ەكٸنشٸدەن, ول ساتىلاتىن بولسا, قالاي ساتىلادى. اتالعان مەسەلە بويىنشا وي-پٸكٸرلەردٸ تىڭدادىق, شتاب پەن حاتشىلىق ولاردى ساراپتايتىن بولدى جەنە ەرٸ قاراي جۇمىس توبىندا تالقىلانادى. جەر قالاي ساتىلادى, قانداي كٶلەمدە, شەشٸمدٸ كٸم قابىلدايدى. ەگەر مۇنى بٸر ادام شەشسە, بۇل الاڭداۋشىلىق تۋعىزادى, قوعام مۇنى تٷسٸنبەيدٸ. ساتىلاتىن جەر ەكٸمنٸڭ نەمەسە ٶكٸلەتتٸ تۇلعانىڭ شەشٸمٸنە بايلانىستى بولماۋى كەرەك. شەشٸمدٸ قوعاممەن بٸرگە قابىلداعان جٶن. ەگەر قوعام قارسى بولسا, ەندەشە ساتىلماۋى تيٸس. سوندىقتان دا قۇرىلعان جۇمىس توبىندا وتىرىس بارىسىندا ايتىلعان پٸكٸرلەردٸ جٸتٸ ساراپتاۋدى سۇرايمىن.
كەلەسٸ وتىرىستا بٸز جەردٸ شەتەلدٸكتەرگە جالعا بەرەمٸز بە, بەرمەيمٸز بە, سونى تالقىلايتىن بولامىز. سودان كەيٸن, وسى ٷلكەن ەكٸ تاقىرىپ ايتىلىپ, تالقىلانىپ بٸتكەننەن سوڭ حالىققا شىعاتىن شىعارمىز, ول ٷشٸن دە ٶزٸمٸزدٸڭ پوزيتسييامىز, ۇسىنىسىمىز بولۋى كەرەك. ونداي ۇسىنىس بولماسا جاي حالىققا بارۋ قيسىنسىز, ولار دا بٸزدەن ۇسىنىس كٷتٸپ وتىر", - دەدٸ ساعىنتاەۆ.
ايتا كەتەيٸك, بٷگٸنگٸ وتىرىس بارىسىندا جۇمىس توپتارىنىڭ جەتەكشٸلەرٸ سايلاندى. ەكونوميكالىق مەسەلەلەرمەن اقىلبەك كٷرٸشبەۆ (سەكەن سەيفۋللين اتىنداعى قازاق اگروتەحنيكالىق ۋنيۆەرسيتەتٸنٸڭ رەكتورى), قۇقىقتىق مەسەلەلەرمەن - مۇحتار تايجان, جەر رەفورماسىن تٷسٸندٸرۋمەن - مۇرات ەبەنوۆ, رەسٸمدەردٸڭ زاڭدىلىعى مەن اشىقتىعىن قامتاماسىز ەتۋمەن دوس كٶشٸم اينالىسادى.
دەرەككٶز: tengrinews.kz
