الماتى اكىمى باقىتجان ساعىنتايەۆ ي.ۆ. پانفيلوۆ اتىنداعى №54 قازاقستاندىق-رەسەيلىك مامانداندىرىلعان مەكتەپ-ليسەيدىڭ عيماراتىن سەيسميكالىق كۇشەيتۋ بارىسىمەن تانىستى. كۇردەلى جوندەۋ كەزىندە 1938 جىلى سالىنعان عيماراتتىڭ تاريحي قاسبەتى قالپىنا كەلتىرىلىپ، اشىق سپورت الاڭى جاڭارتىلدى. باقىتجان ساعىنتايەۆ جۇمىستىڭ تەز اياقتالۋىن جانە مەكتەپتىڭ ۋاقىتىندا پايدالانۋعا بەرىلۋىن قامتاماسىز ەتۋدى تاپسىردى.
وربيتا-1 شاعىن اۋدانىنداعى №60 مەكتەپ-گيمنازيادا 600 ورىندى جاڭا كورپۋس سالىندى. بۇل وسى مەكتەپتەگى وقۋشى ورنىنىڭ تاپشىلىعىن جويۋعا مۇمكىندىك بەردى. بۇدان وزگە، مەكتەپ اۋماعىندا جاڭارعان سپورت الاڭى سالىندى. سونىمەن، بۇرىننان بار سپورت زالدى ەسكەرسەك، ەندى جاڭارعان مەكتەپتە ەكى سپورت زال مەن اشىق سپورت الاڭى پايدا بولدى.
ايتا كەتەرلىگى، الماتىداعى 207 جالپى ءبىلىم بەرەتىن مەكتەپتەردىڭ بارلىعى سپورت زالدارمەن 100% قامتىلعان. سونداي-اق، بيىل 33 مەكتەپتىڭ ستاديونىن مودەرنيزاسيالاۋعا 1 ملرد تەڭگە ءبولىنىپ وتىر. ورتا ءبىلىم بەرۋ جۇيەسىندە 110 مىڭ بالانى قامتيتىن 3 721 سپورت سەكسياسى جۇمىس ىستەيدى.
سونىمەن قاتار، مەملەكەتتىك-جەكەمەنشىك ارىپتەستىك جوباسى اياسىندا ءبىلىم بەرۋ مەكەمەلەرىنىڭ 8 سپورت الاڭى قايتا جاڭعىرتىلۋدا. بۇعان دەيىن ءمجا جوبالارى اياسىندا ەكى مەكتەپ اۋماعىنداعى سپورت الاڭدارى جاڭارعان ەدى.
قالا اكىمى باقىتجان ساعىنتايەۆ وقۋشىلار اراسىندا كوروناۆيرۋستىق ينفەكسيانىڭ تارالۋىن بولدىرماۋ ءۇشىن مەكتەپتەردىڭ سانيتارلىق قاۋىپسىزدىگىن قامتاماسىز ەتۋدى تاپسىردى. دەنساۋلىق جاعدايىنا بايلانىستى ەمدەلەتىندەردى قوسپاعاندا، مەملەكەتتىك ءبىلىم بەرۋ ۇيىمدارىنىڭ بارلىق قىزمەتكەرلەرى 100% ۆاكسينالانعان.
ءداستۇرلى ءبىلىم بەرۋ فورماتىنا كوشۋ ءۇشىن مەكتەپتەردە، بالاباقشالاردا، ينتەرناتتاردا كوروناۆيرۋستىق ينفەكسيانىڭ تارالۋىن بولدىرماۋ شارالارى جۇرگىزىلۋدە. بارلىق ۇيىمدار جۋعىش جانە دەزينفەكسيالىق قۇرالدارمەن، سونداي-اق انتيسەپتيكتەرمەن جابدىقتالعان.
وقۋ بارلىق سانيتارلىق-ەپيدەميولوگيالىق تالاپتاردى ساقتاي وتىرىپ ۇيىمداستىرىلادى، ونىڭ ىشىندە تەرمومەتريا، ۆيزۋالدى تەكسەرۋ، ەفير، كۆارس. وقۋشىلار اعىنى باستاۋىش، ورتا جانە جوعارى بۋىن بولىپ بولىنەدى.
باقىتجان ساعىنتايەۆ سونىمەن قاتار قونايەۆ كوشەسى، 127 مەكەنجايداعى 3 جاسقا دەيىنگى بالالاردىڭ ەرتە ارالاسۋىنا ارنالعان وڭالتۋ ورتالىعىنىڭ عيماراتىن رەكونسترۋكسيالاۋ جوبالارىمەن تانىستى. مۇندا تۋا بىتكەننەن باستاپ ءبىر جاسقا دەيىن تۋا بىتكەن جانە تۇقىم قۋالايتىن اۋرۋلارى بار بالالار باقىلانىپ، وڭالتۋدان وتەدى. جوبانىڭ باستى ماقساتى – بالالار اراسىنداعى اۋرۋشاڭدىق پەن مۇگەدەكتىكتى تومەندەتۋ.
قالا باسشىسى قونايەۆ كوشەسى، 122 مەكەنجايداعى عيماراتتى دا قاراپ شىقتى. بۇرىن مۇندا قالالىق الەۋمەتتىك ءال-اۋقات باسقارماسى ورنالاسقان بولاتىن، باسقارما الەۋمەتتىك قىزمەتتەر ۇيىنە كوشكەن ەدى. ەندى نىسان 18 جاستان اسقان مۇگەدەكتەرگە ارنالعان كوپسالالى وڭالتۋ ورتالىعىنا جانە ءاۋتيزمى بار بالالارعا قولداۋ كورسەتۋ ورتالىعىنا اينالادى. جوبانى قازان ايىندا اياقتاۋ جوسپارلانعان.
