بۇگىن باقىتجان ساعىنتايەۆ الەۋمەتتىك جەلىدەگى پاراقشاسىندا بالالاردىڭ دەنەشىنىقتىرۋ مەن بۇقارالىق سپورتقا بەلسەندى تۇردە قاتىساتىنىن حابارلادى.
– بالالاردىڭ سپورتپەن جاپپاي اينالىسۋى ءۇشىن جالپىقالالىق سپورت ينفراقۇرىلىمىنان بولەك مەكتەپ جانىنداعى سپورت ايماعىنىڭ الەۋەتىن دامىتامىز. وتكەن 2020-2021 جىلدارى وقۋ جىلىندا ءمجا اياسىندا مەكتەپ جانىنداعى 4 سپورت الاڭى جاڭعىرتىلدى. بيىل جىل سوڭىنا دەيىن 61 مەكتەپتىڭ جانىنداعى سپورت نىسانىن جاڭعىرتۋدى اياقتايمىز. وندا 73 فۋتبول، 63 ۆولەيبول مەن باسكەتبول الاڭى، سونداي-اق ۆوركاۋت-ايماقتار مەن جۇگىرۋ جولدارى بار، –دەپ جازدى باقىتجان ساعىنتايەۆ.
سونىمەن قاتار ول مەملەكەت باسشىسىنىڭ بۇقارالىق سپورتتى دامىتۋ تۋرالى تاپسىرماسىن ىسكە اسىرۋ جالعاسا بەرەتىن اتاپ ءوتتى.
بۇرىن حابارلانعانىنداي، الماتىدا جاڭا وقۋ جىلىندا مەكتەپتەرگە 301 171 وقۋشى باردى. مەملەكەتتىك مەكتەپتەردە 280 458 بالالار مەن جاسوسپىرىمدەر وقۋدا، ال جەكەمەنشىك مەكتەپتەردەگى وقۋشى سانى – 20 713. مەملەكەتتىك مەكتەپتەردە ءبىرىنشى سىنىپ وقۋشىلارىنىڭ سانى 3 مىڭعا جۋىق ءوستى. 1-سىنىپتاردا 30 751 وقۋشى ءبىلىم الۋدا.
