Búgin Baqytjan Saǵyntaev áleýmettik jelidegi paraqshasynda balalardyń deneshynyqtyrý men buqaralyq sportqa belsendi túrde qatysatynyn habarlady.
– Balalardyń sportpen jappai ainalysýy úshin jalpyqalalyq sport infraqurylymynan bólek mektep janyndaǵy sport aimaǵynyń áleýetin damytamyz. Ótken 2020-2021 jyldary oqý jylynda MJÁ aiasynda mektep janyndaǵy 4 sport alańy jańǵyrtyldy. Biyl jyl sońyna deiin 61 mekteptiń janyndaǵy sport nysanyn jańǵyrtýdy aiaqtaimyz. Onda 73 fýtbol, 63 voleibol men basketbol alańy, sondai-aq vorkaýt-aimaqtar men júgirý joldary bar, –dep jazdy Baqytjan Saǵyntaev.
Sonymen qatar ol Memleket basshysynyń buqaralyq sportty damytý týraly tapsyrmasyn iske asyrý jalǵasa beretin atap ótti.
Buryn habarlanǵanyndai, Almatyda jańa oqý jylynda mektepterge 301 171 oqýshy bardy. Memlekettik mektepterde 280 458 balalar men jasóspirimder oqýda, al jekemenshik mektepterdegi oqýshy sany – 20 713. Memlekettik mektepterde birinshi synyp oqýshylarynyń sany 3 myńǵa jýyq ósti. 1-synyptarda 30 751 oqýshy bilim alýda.
