تٶراعانىڭ ايتۋىنشا, مامانداندىرىلعان اۋدانارالىق سوتىندا سوڭعى 5 جىلدا ازاماتتىق ٸستەر بويىنشا اتا-انا قۇقىعىنان ايىرۋ بويىنشا 1175, بالانىڭ تۇرعىلىقتى مەكەن-جايىن انىقتاۋ ماقساتىندا 472, بالامەن كەزدەسۋ تەرتٸبٸن انىقتاۋدا 499, ارنايى مەكتەپ ينتەرناتقا جولداۋ جٶنٸندە 147, ەكە دەپ تانىپ اليمەنت ٶندٸرۋ بويىنشا 324, بالا اسىراپ الۋ 2273, اليمەنت مٶلشەرٸن ٶزگەرتۋ تۋرالى 258 ٸس قارالعان.
بۇدان بٶلەك, ەكٸمشٸلٸك ٸستەر بويىنشا 5540 ٸس سوت قارۋىنا تٷسٸپ, 5102 قۇقىقبۇزۋشىعا قاتىستى ەكٸمشٸلٸك قاۋلى شىققان. نەتيجەسٸندە جالپى سومماسى 56 ملن. 510 مىڭ 550 تەڭگە ايىپپۇل سالىنىپ, ٶندٸرٸلگەن. سونداي-اق 2221 قىلمىستىق ٸس قارالىپ, 560 سوت ٷكٸمٸ شىعارىلعان. ونىڭ 276-سى مەدياتسييا تەرتٸبٸمەن شەشٸلگەن.
«كەمەلەتكە تولماعانداردىڭ باسىم كٶپشٸلٸگٸ ۇرلاۋ, توناۋ, قاراقشىلىق سيياقتى دٷنيەقورلىق قىلمىستار جاسايدى. جاسٶسپٸرٸمدەر جاساعان قىلمىستاردىڭ دەنٸن مٷلٸككە قاتىستى قىلمىستار قۇراپ وتىر. كٶبٸنەسە ولار ۇيالى تەلەفوندار, ويىن كومپيۋتەرلەرٸ, اقشا, كيٸم-كەشەكتەر ۇرلايدى. جاسٶسپٸرٸمدەر مۇنداي قىلمىستاردى ەدەتتە ەكٸ-ٷش ادام بولىپ, توپ بولىپ جاساپ, جەبٸرلەنۋشٸگە كٷش كٶرسەتٸپ نەمەسە كٷش كٶرسەتەمٸن دەپ قورقىتىپ جاساعاندىقتان, ولاردىڭ ەرەكەتتەرٸ اۋىر قىلمىس رەتٸندە باعالانىپ جاتادى», – دەيدٸ سەرٸكباي تٶلەپبەرگەنوۆ.
ايتا كەتەيٸك, كەمەلەتكە تولماعانداردىڭ ٸستەرٸ جٶنٸندەگٸ مامانداندىرىلعان اۋدانارالىق سوتى ەلٸمٸزدە العاش رەت الماتى, استانا قالالارىندا سىناما رەتٸندە قۇرىلعان بولاتىن. تەجٸريبە كٶرسەتكەندەي يۋۆەنالدى سوت ٶز ٶمٸرشەڭدٸگٸن دەلەلدەپ, مەملەكەت قورعاۋىندا تۇرعان وتباسى, انا مەن بالا, ەكە قۇقىقتارىن قورعاۋدا تاپتىرماس جٷيەگە اينالىپ وتىر.
