شىعىس قازاقستان وبلىسى ريددەر قالاسىندا جىلۋ ەلەكتر ورتالىعىنداعى جٶندەۋ جۇمىستارى باستالدى. سوعان بايلانىستى قالادا 10 مامىر مەن 1 قىركٷيەك ارالىعىندا تۇرعىن ٷيلەر مەن مەكەمەلەردە ىستىق سۋ بولمايدى, دەپ حابارلايدى Dalanews.kz.
"ٶتكەن جىلدىڭ جازى مەن كٷزٸندە جەو-دا جٶندەۋ جۇمىستارى قولعا الىنىپ, قيىن جاعداي تۇراقتاندىرىلعان بولاتىن. وسىلايشا, 2023-2024 جىلدارداعى جىلىتۋ ماۋسىمى كٷردەلٸ اقاۋسىز ٶتتٸ. بيىل دا جٶندەۋ جۇمىستارى جالعاسادى. بىلتىر جٶندەۋمەن قامتىلماعان قازاندىق اگرەگاتتارىن, تۋربوگەنەراتورلاردى, قوسالقى جابدىقتاردى كٷردەلٸ جٶندەۋ جوسپارلانىپ وتىر", - دەلٸنگەن ەكٸمدٸك حابارلاماسىندا.
سونداي-اق جالپى ۇزىندىعى 18,9 شاقىرىم بولاتىن جىلۋ جەلٸلەرٸنٸڭ 55 ۋچاسكەسٸندە كٷردەلٸ جٶندەۋ جۇمىستارى جٷرگٸزٸلمەك.
"بارلىق جۇمىستى بەلگٸلەنگەن مەرزٸمدە اياقتاۋ جوسپارلانىپ وتىر. ولاردىڭ ورىندالۋ بارىسى ٷنەمٸ باقىلاۋدا بولادى", - دەپ حابارلادى قالالىق ەكٸمدٸك.
