Shyǵys Qazaqstan oblysy Ridder qalasynda jylý elektr ortalyǵyndaǵy jóndeý jumystary bastaldy. Soǵan bailanysty qalada 10 mamyr men 1 qyrkúiek aralyǵynda turǵyn úiler men mekemelerde ystyq sý bolmaidy, dep habarlaidy Dalanews.kz.
"Ótken jyldyń jazy men kúzinde JEO-da jóndeý jumystary qolǵa alynyp, qiyn jaǵdai turaqtandyrylǵan bolatyn. Osylaisha, 2023-2024 jyldardaǵy jylytý maýsymy kúrdeli aqaýsyz ótti. Biyl da jóndeý jumystary jalǵasady. Byltyr jóndeýmen qamtylmaǵan qazandyq agregattaryn, týrbogeneratorlardy, qosalqy jabdyqtardy kúrdeli jóndeý josparlanyp otyr", - delingen ákimdik habarlamasynda.
Sondai-aq jalpy uzyndyǵy 18,9 shaqyrym bolatyn jylý jelileriniń 55 ýchaskesinde kúrdeli jóndeý jumystary júrgizilmek.
"Barlyq jumysty belgilengen merzimde aiaqtaý josparlanyp otyr. Olardyń oryndalý barysy únemi baqylaýda bolady", - dep habarlady qalalyq ákimdik.
