اتاپ ايتساق، №1، 2، 3 قازاندىقتاردىڭ اگرەگاتتارىن جوندەۋ اياقتالۋعا جاقىن، ەكرانداردىڭ بەتتەرى قۇراستىرىلىپ، ورناتىلىپ قويعان.
سونداي-اق قازاندىقتار ودان ءارى جۋىپ تازالاۋ ءۇشىن سۋمەن تولتىرىلىپتى. ريددەر قالاسىنىڭ اكىمى داۋلەت باتىربايەۆتىڭ سوزىنە سەنسەك، جۋۋ پروسەسى بىرنەشە ساعاتتان ەكى تاۋلىككە دەيىن سوزىلادى ەكەن.
– ورتالىقتاعى 1، 2، 3 قازاندىق اگرەگاتتارى بويىنشا جۇمىستار اياقتالدى. ولاردى سۋعا تولتىرعاننان جانە جۋعاننان كەيىن قازاندىقتاردا قىسىم پايدا بولىپ، ارتىنشا ولاردى جاعۋ باستالادى، – دەپ ءتۇسىندىردى قالا باسشىسى.
ال مەردىگەر ۇيىم وكىلدەرى نىسانداعى بارلىق جۇمىس كەستەگە ساي جۇرگىزىلىپ جاتقانىن ايتۋدا. «DM Energy» جشس-نىڭ باس ينجەنەرى قايرات دوسانوۆ ءبىرىنشى قازاندىقتا دانەكەرلەۋ جۇمىستارى اياقتالعانىن، ەندى ماماندار ونى تولتىراتىنىن جانە ودان ءارى گيدراۆليكالىق سىناقتار جۇرگىزەتىنىن اتاپ ءوتتى.
– جۇمىستار ۋاقتىلى جۇرگىزىلۋدە. ەڭ الدىمەن ءۇشىنشى قازاندىق اگرەگاتىن ىسكە قوسۋعا دايىنداپ جاتىرمىز، قۇبىر جۇيەسىن مونتاجداۋ بويىنشا جۇمىستار اياقتالدى، ىسكە ريددەر جەو ەكسپلۋاتاسيالىق پەرسونالى دا قوسىلۋدا. مەردىگەر بولعان سوڭ ءبىزدىڭ مىندەتىمىز – قانداي دا ءبىر كەمشىلىك انىقتالعان جاعدايدا ونى جەدەل جويۋ، – دەپ اتاپ ءوتتى «پەرسپەكتيۆتى تەحنولوگيالار» ج ش س باس ينجەنەرى الەكساندر ماتۆيەنكو.
بارلىق جوندەۋ-ىسكە قوسۋ جۇمىستارى اياقتالعاننان كەيىن ريددەرلىكتەردىڭ ۇيلەرىنە جىلۋ بەرىلە باستايدى.
