Atap aitsaq, №1, 2, 3 qazandyqtardyń agregattaryn jóndeý aiaqtalýǵa jaqyn, ekrandardyń betteri qurastyrylyp, ornatylyp qoiǵan.
Sondai-aq qazandyqtar odan ári jýyp tazalaý úshin sýmen toltyrylypty. Ridder qalasynyń ákimi Dáýlet Batyrbaevtyń sózine sensek, jýý protsesi birneshe saǵattan eki táýlikke deiin sozylady eken.
– Ortalyqtaǵy 1, 2, 3 qazandyq agregattary boiynsha jumystar aiaqtaldy. Olardy sýǵa toltyrǵannan jáne jýǵannan keiin qazandyqtarda qysym paida bolyp, artynsha olardy jaǵý bastalady, – dep túsindirdi qala basshysy.
Al merdiger uiym ókilderi nysandaǵy barlyq jumys kestege sai júrgizilip jatqanyn aitýda. «DM Energy» JShS-nyń bas injeneri Qairat Dosanov birinshi qazandyqta dánekerleý jumystary aiaqtalǵanyn, endi mamandar ony toltyratynyn jáne odan ári gidravlikalyq synaqtar júrgizetinin atap ótti.
– Jumystar ýaqtyly júrgizilýde. Eń aldymen úshinshi qazandyq agregatyn iske qosýǵa daiyndap jatyrmyz, qubyr júiesin montajdaý boiynsha jumystar aiaqtaldy, iske Ridder JEO eksplýatatsiialyq personaly da qosylýda. Merdiger bolǵan soń bizdiń mindetimiz – qandai da bir kemshilik anyqtalǵan jaǵdaida ony jedel joiý, – dep atap ótti «Perspektivti tehnologiialar» JShS bas injeneri Aleksandr Matvienko.
Barlyq jóndeý-iske qosý jumystary aiaqtalǵannan keiin ridderlikterdiń úilerine jylý berile bastaidy.
