«رۋحاني جاڭعىرۋ» باعدارلاماسى حانقورعاندى تٷلەتتٸ
اۋداندا ۇزاق جىلداردان بەرٸ ادام قامقورلىعىن كٶرمەي جٷرگەن حانقورعان قالاشىعىنىڭ قايتا تٷلەۋٸن ايرىقشا اتاپ ايتۋعا بولادى. «رۋحاني جاڭعىرۋ» باعدارلاماسى اياسىندا اتالعان قالاشىقتا جوعارىدا وتىرعان بيلٸك باسشىلارىنىڭ باستاماسىمەن اسپان استىنداعى مۇراجاي قۇرۋ تۋرالى باستاما كٶتەرٸلدٸ. قالاشىق تالاي سىردى ٸشٸنە بٷگٸپ وتىرعان تاريحي جەر. ارىس ٶزەنٸنٸڭ سول جاعالاۋىنداعى بۇل تٶبە قازاق حالقىنىڭ بٸرتۇتاستىعىن ساقتاۋ جولىندا بار ٶمٸرٸن سارپ ەتكەن ابىلاي حاننىڭ وڭتٷستٸك ٶڭٸردەگٸ ورداسى بولعان.
حانقورعاننان بٶلەك سايرامدا اقتارساڭ تاريح سٶيلەيتٸن تاعى 12 نىسان بار. ولاردىڭ تٶرتەۋٸ وبلىستىق تاريحي ماڭىزى بار كيەلٸ جەرلەر تٸزٸمٸنە ەنگەن.
ەلباسىمىز قازاقستاندى دامىعان وتىز ەلدٸڭ قاتارىنا قوسىلۋىن باستى باعىت ەتۋدە. بٸراق وسى اسقارالى ماقساتتى باعىندىرۋداعى قىرۋار تٸرلٸك پەن اۋىر جٷكتٸ حالىقتىڭ بارلىعى بٸرٸگٸپ كٶتەرسە عانا جەڭٸلدەي تٷسەدٸ. وسىنى تەرەڭ تٷسٸنۋدە قوعامدىق سانانىڭ جاڭعىرۋى اسا ماڭىزدى.
بۇل باعىتتاعى جۇمىستاردى حالىققا تەرەڭ تٷسٸندٸرۋ ٷشٸن بٸز بيىل «جاڭارعان سايرام» اتتى كٸتاپ شىعارىلدى. ٶز كەزەگٸندە بۇل جەرگٸلٸكتٸ حالىقتىڭ تۋعان جەرگە دەگەن سٷيٸسپەنشٸلٸگٸن نىعايتا تٷسەدٸ. ال كٸندٸك كەسٸپ, كٸر جۋعان جەرٸن قۇرمەتتەگەن ەل ەشقاشاندا كەرٸ كەتپەيدٸ. كەرٸسٸنشە سول ەلدٸڭ دامۋىنا قانداي دا بٸر قولتاڭبا قالدىرۋعا تالپىناتىن بولادى. بۇدان بٶلەك, اۋداندا مۇراجاي سالۋ ٸسٸ دە قولعا الىندى.
