رۋسلان كۇلەكبايەۆ ءومىر بويى باس بوستاندىعىنان ايىرىلۋى مۇمكىن

Dalanews 21 ءشىل. 2016 06:03 508

قىلمىسكەر رۋسلان كۋلەكبايەۆ تاعىلعان 8 باپ بويىنشا كىنالى دەپ تانىلسا، ول ءومىر بويىنا باس بوستاندىعىنان ايىرىلۋى مۇمكىن. «دەگەنمەن سوڭعى ءسوز سوت ورگاندارىندا» دەيدى 30 جىلدىق ەڭبەك ءوتىلى بار ادۆوكات مەيىرجان دوسقارايەۆ.

ونىڭ ايتۋىنشا، وسىعان دەيىن 2 مارتە سوتتى بولىپ، اۋىر قىلمىسقا بارعان ادام قوعام ءۇشىن اسا ءقاۋىپتى.

– 8 باپتىڭ ءارقايسىسىنىڭ جازاسى ءارتۇرلى. بىرەۋىندە 5 جىلدان 10 جىلعا دەيىن. بىرەۋىندە مىسالى 7 جىلدان 15 جىلعا دەيىن، بىرەۋىندە 15 جىلدان 20 جىلعا دەيىن. ەگەر ونىڭ قىلمىس ارەكەتتەرى وسى 8 باپ بويىنشا دالەلدەنەتىن بولسا، وندا ءومىر بويى باس بوستاندىعىنان ايىرىلۋى مۇمكىن، – دەيدى بىلىكتى زاڭگەر مەيىرجان دوسقارايەۆ.

 

دەرەككوزى: "حابار" تەلەارناسى

ۇسىنىلعان
سوڭعى جاڭالىقتار