شىمكەنت قالاسى ەكٸمٸنٸڭ ورىنباسارى رۋسلان بەردەنوۆكە قاستاندىق جاسادى دەپ ايىپتالعان ەرنار جيەمبايدىڭ ٸسٸ بويىنشا ەرتەڭ سوت ٷكٸمٸ جارييالانۋى تيٸس. داۋ تۋدىرعان قىلمىستىق ٸس بويىنشا باستى سوت تالقىلاۋى ەكٸ اپتا بۇرىن باستالعان بولاتىن, دەپ حابارلايدى Dalanews.kz.
بٷگٸن سوتتا ايىپتالۋشى ەرنار جيەمباي سوڭعى سٶزٸن ايتتى. ول ٶز ەرەكەتتەرٸن «كٸسٸ ٶلتٸرۋگە وقتالۋ» ەمەس, «دەنساۋلىققا قاساقانا اۋىر زييان كەلتٸرۋ» بابىنا قايتا سارالاۋدى سۇرادى. سونداي-اق شىن ٶكٸنٸپ وتىرعانىن ەسكەرٸپ, بوستاندىعىنان ايىرمايتىن جازا تاعايىنداۋدى ٶتٸندٸ.
"مەن – وتباسىمنىڭ جالعىز اسىراۋشىسىمىن. ەكٸ كەمەلەتكە تولماعان ۇلىم, ناۋقاس ەكەم بار", – دەدٸ ول ٶز سٶزٸندە.
وسىدان كەيٸن سۋديا ابينۋر قاراباەۆ كەڭەسۋ بٶلمەسٸنە كەتتٸ.
"ٷكٸم ەرتەڭ ساعات 12:00-دە جارييالانادى. بٸراق بۇل ناقتى ۋاقىت ەمەس", – دەدٸ سۋديا.
كەشە سوت جارىسسٶزٸندە ايىپتالۋشى ٶزٸنٸڭ بۇرىنعى كٶرسەتۋلەرٸندە قالاتىنىن مەلٸمدەدٸ.
وعان دەيٸنگٸ وتىرىستا مەملەكەتتٸك ايىپتاۋشى, پروكۋرور باۋىرجان قارامانوۆ ەرنار جيەمبايعا قانداي جازا مەرزٸمٸن سۇرايتىنىن جارييالاعان بولاتىن.
