ريددەر قالاسىندا قايعىلى وقيعا بولدى. 23 تامىزدا قالانىڭ جەكە سەكتورىندا 13 جاستاعى قىز موتوتسيكلمەن كەلە جاتىپ, قازا تاپتى, دەپ حابارلايدى dalanews.kz.
الدىن الا مەلٸمەت بويىنشا جاسٶسپٸرٸم ەندۋرو موتوتسيكلٸن ٶزٸ جٷرگٸزگەن. ارتىندا 15 جاستاعى قۇربىسى وتىرعان. ەكٸ قىز كەلە جاتقان كەزدە ولاردىڭ الدىنان ارقان تارتىلىپ تۇرعان. ارقاندى جەرگٸلٸكتٸ تۇرعىن ٷي ماڭىنداعى باعانعا بايلانعان اتتى ۇستاۋ ٷشٸن پايدالانعان.
شىعىس قازاقستان وبلىسى پوليتسييا دەپارتامەنتٸ مەلٸمەتٸنشە, جاسٶسپٸرٸم موتوتسيكلمەن ارقانعا سوعىلىپ, اۋىر جاراقات العان. ول وقيعا ورنىندا كٶز جۇمدى. ال 15 جاستاعى جولاۋشى اۋرۋحاناعا جەتكٸزٸلدٸ.
"كٶلٸك تٸزگٸنٸندە وتىرعان جاسٶسپٸرٸم وقيعا ورنىندا قايتىس بولدى. 15 جاستاعى جولاۋشى مەديتسينالىق مەكەمەگە جاتقىزىلدى. ريددەر قالاسىنىڭ پوليتسييا بٶلٸمٸ سوتقا دەيٸنگٸ تەرگەۋدٸ باستادى. وقيعانىڭ بارلىق مەن-جايىن انىقتاۋعا باعىتتالعان تەرگەۋ جٷرگٸزٸلٸپ جاتىر. جانۋاردىڭ يەسٸ انىقتالىپ, پوليتسييا بٶلٸمٸنە جەتكٸزٸلدٸ", - دەپ حابارلادى ۆەدومستۆو ٶكٸلدەرٸ.
قىلمىستىق ٸستٸڭ تەرگەلۋ بارىسى شقو پوليتسييا دەپارتامەنتٸ باستىعىنىڭ باقىلاۋىندا.
