Ridder qalasynda qaiǵyly oqiǵa boldy. 23 tamyzda qalanyń jeke sektorynda 13 jastaǵy qyz mototsiklmen kele jatyp, qaza tapty, dep habarlaidy dalanews.kz.
Aldyn ala málimet boiynsha jasóspirim endýro mototsiklin ózi júrgizgen. Artynda 15 jastaǵy qurbysy otyrǵan. Eki qyz kele jatqan kezde olardyń aldynan arqan tartylyp turǵan. Arqandy jergilikti turǵyn úi mańyndaǵy baǵanǵa bailanǵan atty ustaý úshin paidalanǵan.
Shyǵys Qazaqstan oblysy Politsiia departamenti málimetinshe, jasóspirim mototsiklmen arqanǵa soǵylyp, aýyr jaraqat alǵan. Ol oqiǵa ornynda kóz jumdy. Al 15 jastaǵy jolaýshy aýrýhanaǵa jetkizildi.
"Kólik tizgininde otyrǵan jasóspirim oqiǵa ornynda qaitys boldy. 15 jastaǵy jolaýshy meditsinalyq mekemege jatqyzyldy. Ridder qalasynyń politsiia bólimi sotqa deiingi tergeýdi bastady. Oqiǵanyń barlyq mán-jaiyn anyqtaýǵa baǵyttalǵan tergeý júrgizilip jatyr. Janýardyń iesi anyqtalyp, politsiia bólimine jetkizildi", - dep habarlady vedomstvo ókilderi.
Qylmystyq istiń tergelý barysy ShQO Politsiia departamenti bastyǵynyń baqylaýynda.
