اقتاۋ اۋەجايىندا قوعامدىق ءتارتىپتى بۇزعان ماس جولاۋشى رەيستەن ءتۇسىرىلدى، دەپ حابارلايدى Dala News.
كولىكتەگى پوليسيا دەپارتامەنتىنىڭ مالىمەتىنشە، «اقتاۋ – الماتى» باعىتى بويىنشا ۇشاتىن اۋە رەيسىنەن 36 جاستاعى الماتى تۇرعىنى تۇسىرىلگەن.
تەكسەرۋ بارىسىندا ايەلدىڭ رەيسكە تىركەلۋ كەزىندە-اق ماس كۇيدە بولعانى انىقتالدى. ول اينالاسىنداعىلارعا بالاعات سوزدەر ايتىپ، قوعامدىق ءتارتىپتى بۇزعان.
پوليسيا قىزمەتكەرلەرى جولاۋشىنى بولىمشەگە جەتكىزىپ، اكىمشىلىك جاۋاپكەرشىلىككە تارتقان.
وعان:
- قوعامدىق ورىندا ماس كۇيدە جۇرگەنى ءۇشىن؛
- ۇساق بۇزاقىلىق جاساعانى ءۇشىن
25 اەك كولەمىندە ايىپپۇل سالىندى.
ۆەدومستۆو مالىمەتىنشە، جىل باسىنان بەرى اۋە كەمەلەرىندە 48 قۇقىقبۇزۋشىلىق تىركەلگەن.
ولاردىڭ ىشىندە:
- 31 جاعداي – الكوگول ءىشۋ نەمەسە ماس كۇيدە بولۋ؛
- 8 جاعداي – ۇساق بۇزاقىلىق؛
- 4 جاعداي – بورتتا تەمەكى شەگۋ؛
- وزگە دە قۇقىقبۇزۋشىلىقتار بار.
