«تازا قازاقستان» اياسىندا 21–26 ءساۋىر ارالىعىندا وڭىردە «بۇكىلقازاقستاندىق اعاش وتىرعىزۋ كۇنى» ەكولوگيالىق اكسياسى وتۋدە. بۇگىن جەڭىس ساياباعىندا سقو اكىمى عاۋەز نۇرمۇحامبەتوۆ ارداگەرلەر، دەپۋتاتتار، قوعام جانە اسسامبلەيا وكىلدەرى جانە جاستارمەن بىرگە اعاش وتىرعىزۋ شاراسىنا قاتىستى،- دەپ حابارلايدى Dalanews.kz
بۇل اكسيانىڭ جەڭىستىڭ 80 جىلدىعى قارساڭىندا ءوتۋى ەرەكشە مانگە يە.
جاسىل باستامانى وبلىستىڭ بارلىق اۋداندارى قولداپ، بۇگىن ەلدى مەكەندەر مەن ورمان القاپتارىندا 42 مىڭنان استام كوشەت وتىرعىزىلدى. رەسپۋبليكالىق اكسيا اياسىندا وڭىردە جالپى 118 مىڭ اعاش وتىرعىزۋ جوسپارلانعان.
"ورمان قورىن ساقتاۋ جانە كوبەيتۋ — بارشامىزدىڭ ورتاق مىندەتىمىز. بۇل — ەكولوگيالىق جاعدايدى جاقسارتۋعا جانە كەلەشەك ۇرپاق ءۇشىن قولايلى ءومىر ءسۇرۋ ورتاسىن قالىپتاستىرۋعا قوسقان ماڭىزدى ۇلەس"، - دەپ جازدى ءوڭىر باسشىسى الەۋمەتتىك جەلىدە.
