25 قازان – رەسپۋبليكا كٷنٸ ەل ازاماتتارىن تۇتاستىرىپ, بٸرلٸككە باستايتىن ماڭىزدى مەرەكەگە اينالعانىنا كٶزٸمٸز جەتتٸ. سونىمەن قاتار جاستاردىڭ بويىنداعى پاتريوتتىق سەزٸمدٸ وياتىپ, كٷش-جٸگەر سىيلاعانىنا دا بايقادىق.
ايتۋلى مەرەكەنٸڭ باستى ەن-تاڭباسى, سيۆولى كٶك بايراعىمىز بولعانى انىق دەل وسى كٷنٸ ەلٸمٸزدٸڭ بارلىق ٶڭٸرلەردە مەملەكەتتٸك تۋىمىزعا بارىنشا قۇرمەت كٶرسەتٸلدٸ.
وسى ٷردٸستەن شىعىس قازاقستان وبلىسىنىڭ جاستارى دا شەت قالعان جوق. مەرەكەنٸ ەستە قالارلىقتاي ەتٸپ ٶتۋدە شىعىستىق جاستار بەلسەندٸ بولعانىن اتاپ ايتۋىمىز كەرەك!
مەملەكەتتٸك تۋىمىزعا جاستاردىڭ قۇرمەت كٶرسەتۋٸنە وسىدان بٸرشاما ۋاقىت بۇرىن مەملەكەت باسشىسى قاسىم-جومارت توقاەۆتىڭ پاتريوت جاستاردىڭ كٶك بايراعىمىزدى ماڭىزدى جەرلەرگە ٸلٸپ, ۇلىقتاۋىنا مٷمكٸندٸك بەرەتٸن زاڭعا ٶزگەرٸستەر ەنگٸزگەنٸ بەلگٸلٸ. رەسپۋبليكا كٷنٸ وسى مٷمكٸندٸكتٸ جاستار بارىنشا پايدالانىپ, ٶزدەرٸنٸڭ ەلٸمٸزدٸڭ ناعىز پاتريوتتارى ەكەنٸن كٶرسەتتٸ.
وسىلايشا ٶسكەمەن قالاسىنىڭ جاستارى مەرەكە كٷنٸ ەلٸمٸز بويىنشا ەڭ ٷلكەن تۋدى قالا ورتالىعىنداعى تەۋەلسٸزدٸك مونۋمەنتٸ جانىنىنا الىپ شىعىپ, قالا تۇرعىندارى قۋانىش سىيلادى.
ٶسكەمەن قالاسى ەكٸمدٸگٸنٸڭ حابارلاۋىنشا, جاستار الىپ شىققان مەملەكەتتٸك تۋدىڭ ۇزىندىعى 24 مەتر, ەنٸ 12 مەتردٸ قۇراسا, سالاعا 100 كەلٸگە جەتكەن.
