2022 جىلعى ناۋرىزدا ءوسىم 3،3%-دى، ساۋىردە – 4%-دى، مامىردا – 4%-دى قۇرادى. بۇل سوڭعى جىلدارداعى ەڭ جوعارى كورسەتكىش. سالىستىرساق 2021 جىلى شەتەلدىك كومپانيالار سانىنىڭ ورتاشا ايلىق ءوسۋ قارقىنى نەبارى 1،1%-دى قۇراعان بولاتىن.
ءوز كەزەگىندە تىركەلگەن زاڭدى تۇلعالاردىڭ، فيليالداردىڭ جانە شەتەلدىك قاتىسۋىمەن شەتەلدىك زاڭدى تۇلعالار فيليالدارىنىڭ سانى مامىر ايىنىڭ سوڭىنا قاراي 40،2 مىڭعا جەتتى.
اعىمداعى جىلدىڭ قاڭتار-مامىر ايلارىندا بۇل كورسەتكىش 2،4 مىڭ كومپانياعا ارتتى. بۇل ءوسىم نەگىزگىنەن رەسەيدەن كەلگەن ۇيىمداردىڭ ەسەبىنەن ءوسىپ وتىر. 2022 جىلدىڭ مامىر ايىنىڭ قورىتىندىسى بويىنشا ولاردىڭ سانى 13 مىڭعا جەتتى.
سونىمەن قاتار، كومپانيالار سانىنىڭ ءوسۋى بويىنشا كوشباسشىلار ۇشتىگىندە وزبەكستان (205 ۇيىم) جانە بەلارۋس (120 ۇيىم) ەلدەرى دە بار.
رەسەي مەن بەلارۋسسيادان كەلگەن كومپانيالاردىڭ نەگىزگى اعىمى ەنگىزىلگەن سانكسيالارمەن بايلانىستى. گەوساياسي داعدارىسقا بايلانىستى ودان ءارى احۋالعا قاتىستى اعىمداعى ديناميكا مەن بەلگىسىزدىكتى ەسكەرىپ، رەسەيلىك كومپانيالاردىڭ اعىنى ودان ءارى جالعاسۋى ىقتيمال.
