رەسەيدە 50 مىڭعا جۋىق پايدالانىلعان كٶلٸك ساتىلىمعا شىعارىلدى. كٶرشٸ ەلدە جاڭا جىلدان باستاپ شارت تالاپتارىن بۇزعانى ٷشٸن يەلەرٸنەن تەركٸلەنگەن, بۇرىن ليزينگتە بولعان كٶلٸكتەر 5–40% جەڭٸلدٸكپەن ساتىلماق, دەپ حابارلايدى Dalanews.kz 31 ارناعا سٸلتەمە جاساپ.
دەگەنمەن ساراپشىلار بۇل كٶلٸكتەردٸڭ اۋقىمدى كٶلەمدە قازاقستانعا اعىلۋى ەكٸتالاي دەپ سانايدى. ايتۋلارىنشا, قولدانىستا بولعان كٶلٸكتەردٸڭ جالپى سانىنىڭ 20 پايىزىنان اسپايتىن بٶلٸگٸ عانا قازاقستانعا كەلۋٸ مٷمكٸن.
"مىسالى, اۆتوكٶلٸك بازاردا 10 ملن تەڭگە تۇرادى دەلٸك. ەگەر ولار ونى 40% جەڭٸلدٸكپەن ۇسىنسا, ەرينە, ساتىپ الۋشى بارىپ, سول كٶلٸكتٸ الادى. بٸراق ول قوسىمشا ققس تٶلەيدٸ. ققس كٶلەمٸ دە ٶسەدٸ. مۇندا بەرٸ باعانىڭ قانشالىقتى قولجەتٸمدٸ بولۋىنا بايلانىستى. بٸراق بۇل اسا تيٸمدٸ بولادى دەپ ويلامايمىن, ٶيتكەنٸ ليزينگ بەرۋشٸلەر كٶلٸكتەردٸ ٶزدەرٸنە زييان كەلتٸرەتٸندەي تىم تٶمەن باعامەن ساتپايدى", - دەيدٸ "جالپى جول" جول قاۋٸپسٸزدٸگٸ قاۋىمداستىعىنىڭ پرەزيدەنتٸ ارسەن شاكۋوۆ.
ساراپشىلاردىڭ بولجامىنشا, كٶلٸكتەردٸڭ نەگٸزگٸ بٶلٸگٸن رەسەيلٸك تۇتىنۋشىلاردىڭ ٶزٸ ساتىپ الادى. ٶيتكەنٸ رەسەي ٸشٸندە ولار قوسىمشا ققس پەن باج سالىعىنسىز ايتارلىقتاي ارزانىراق بولادى.
سونىمەن بٸرگە 2026 جىلى رەسەيدەگٸ تاكسوپاركتەر وتاندىق قۇراستىرۋداعى اۆتوكٶلٸكتەرگە كٶشۋٸ تيٸس. بۇل نارىققا شامامەن 800 مىڭ پايدالانىلعان شەتەلدٸك كٶلٸكتٸڭ شىعۋىنا ەكەلۋٸ مٷمكٸن. ولاردىڭ بٸر بٶلٸگٸن تاكسي جٷرگٸزۋشٸلەرٸنٸڭ ٶزدەرٸ ساتىپ السا, نەگٸزگٸ بٶلٸگٸ اۆت دەفيتسيتٸن سەزٸنٸپ وتىرعان رەسەيدٸڭ ٸشكٸ نارىعىندا قالادى.
"بۇل كٶلٸكتەردٸ رەسەيدٸڭ ٸشكٸ نارىعى وڭاي سٸڭٸرەدٸ جەنە وعان قۋانادى دەپ ويلايمىن. سەبەبٸ تاكسيدە, ەدەتتە, ەسكٸ كٶلٸكتەر جٷرمەيدٸ — ەكٸ-ٷش جىل قولدانىلعان مودەلدەر عانا بار. بۇل رەسەي نارىعى ٷشٸن ٶتە تارتىمدى ۇسىنىس. سوندىقتان ولاردىڭ نەگە قازاقستانعا اعىلۋى كەرەك? بٸزدە كٶلٸك تاپشىلىعى جوق. كەرٸسٸنشە, جاڭا زاۋىتتار سالىنىپ جاتىر", - دەيدٸ اۆتوساراپشى الەكسەي الەكسەەۆ.
دەگەنمەن بۇل كٶلٸكتەردٸڭ از بٶلٸگٸ قازاقستان نارىعىندا دا پايدا بولۋى مٷمكٸن. الايدا قازاقستانعا كٶلٸك ەكەلۋ ەلٸ دە قىمبات — ۋتيلالىم مەن كەدەندٸك تٶلەمدەر بار. سول سەبەپتٸ ساراپشىلاردىڭ پٸكٸرٸنشە, بٸزگە جاپپاي پارتييالاردان گٶرٸ جەكەلەگەن تاپسىرىستار, سيرەك ٷلگٸلەر نەمەسە وتاندىق نارىقتا جوق قوزعالتقىشى بار مودەلدەر جيٸ جەتكٸزٸلەدٸ.
