رەسەي اۋماعىندا ورنالاسقان چەرەپوۆەس مەتاللۋرگيالىق كومبيناتىندا قازا تاپقان ەكى قازاقستان ازاماتىنىڭ ولىمىنە بايلانىستى قىلمىستىق ءىس تىركەلدى، دەپ حابارلايدى Dalanews.kz.
الدىن الا مالىمەتكە سايكەس، مارقۇمدار مەردىگەر كومپانيادا جۇمىس ىستەگەن. ولار زاۋىتتاعى قۇرىلىس جۇمىستارىن اتقارىپ جۇرگەن كەزدە جازاتايىم وقيعاعا ۇشىراعان.
اتالعان دەرەك بويىنشا رەسەي فەدەراسياسىنىڭ قىلمىستىق كودەكسىنىڭ 143-بابىنىڭ 3-بولىگى - ەڭبەكتى قورعاۋ تالاپتارىن بۇزۋ سالدارىنان ەكى ادامنىڭ ابايسىزدا قازا تابۋى بويىنشا تەرگەۋ باستالدى.
تەرگەۋ بارىسىندا وقيعا ورنى تەكسەرىلىپ، ءتيىستى قۇجاتتار الىندى. سونداي-اق كۋالار مەن ىسكە قاتىسى بار تۇلعالاردان جاۋاپ الىنۋدا. مەملەكەتتىك ەڭبەك ينسپەكسياسىنىڭ ماماندارىنىڭ قاتىسۋىمەن وندىرىستەگى قايعىلى جاعدايدىڭ سەبەپتەرى مەن وعان ىقپال ەتكەن فاكتورلاردى انىقتاۋعا باعىتتالعان كەشەندى تەكسەرۋ جۇرگىزىلىپ جاتىر.
