Resei aýmaǵynda ornalasqan Cherepovets metallýrgiialyq kombinatynda qaza tapqan eki Qazaqstan azamatynyń ólimine bailanysty qylmystyq is tirkeldi, dep habarlaidy Dalanews.kz.
Aldyn ala málimetke sáikes, marqumdar merdiger kompaniiada jumys istegen. Olar zaýyttaǵy qurylys jumystaryn atqaryp júrgen kezde jazataiym oqiǵaǵa ushyraǵan.
Atalǵan derek boiynsha Resei Federatsiiasynyń Qylmystyq kodeksiniń 143-babynyń 3-bóligi - eńbekti qorǵaý talaptaryn buzý saldarynan eki adamnyń abaisyzda qaza tabýy boiynsha tergeý bastaldy.
Tergeý barysynda oqiǵa orny tekserilip, tiisti qujattar alyndy. Sondai-aq kýálar men iske qatysy bar tulǵalardan jaýap alynýda. Memlekettik eńbek inspektsiiasynyń mamandarynyń qatysýymen óndiristegi qaiǵyly jaǵdaidyń sebepteri men oǵan yqpal etken faktorlardy anyqtaýǵa baǵyttalǵan keshendi tekserý júrgizilip jatyr.
