قازاقستان سىرتقى ٸستەر مينيسترٸنٸڭ بٸرٸنشٸ ورىنباسارى ەرجان اشىقباەۆ رەسەيدە قازاقستاندىقتار قاتىسقان جاپپاي تٶبەلەسكە قاتىستى تٷسٸنٸكتەمە بەردٸ, دەپ حابارلايدى Dalanews.kz.
ونىڭ ايتۋىنشا, قازاقستان كونسۋلى وقيعاعا قاتىسى بار ازاماتتارعا قاجەتتٸ كٶمەك كٶرسەتٸپ جاتىر. قاقتىعىسقا بايلانىستى بٸرنەشە ادام ۇستالعانىمەن, ولاردىڭ باسىم بٶلٸگٸ كەيٸن بوساتىلعان. قازٸرگٸ ۋاقىتتا بٸرقاتار ازامات ەكٸمشٸلٸك قاماۋدا وتىر, ال ٷش قازاقستاندىققا قاتىستى تەرگەۋ امالدارى جالعاسىپ جاتىر.
ەرجان اشىقباەۆتىڭ سٶزٸنشە, جانجال تۇرمىستىق سيپاتتا بولعان. بٷگٸندە جاعداي تۇراقتى, قوسىمشا قاقتىعىستار تٸركەلمەگەن.
"قازٸرگٸ تاڭدا ولارعا ەشقانداي قاۋٸپ تٶنٸپ تۇرعان جوق", – دەدٸ ول مەجٸلٸس كۋلۋارىندا.
سونداي-اق ۆيتسە-مينيستر كەسٸپورىندا جۇمىس ٸستەپ جٷرگەن قازاقستاندىقتاردى ەلگە قايتارۋدىڭ قاجەتٸ جوق ەكەنٸن اتاپ ٶتتٸ. ونىڭ مەلٸمەتٸنشە, اتالعان پورتتا شامامەن 4 مىڭعا جۋىق وتانداسىمىز ەڭبەك ەتۋدە.
ايتا كەتەيٸك, بۇعان دەيٸن ۋست-لۋگاداعى ۆاحتالىق قالاشىقتا جۇمىسشىلار مەن كٷزەت قىزمەتكەرلەرٸ اراسىندا جانجال تۋىنداعانى تۋرالى جازعان ەدٸك. بۇل نىساندا تٷرلٸ ەلدەن كەلگەن جۇمىسشىلار ەڭبەك ەتەدٸ, ونىڭ ٸشٸندە قازاقستان ازاماتتارى دا بار.
ەلەۋمەتتٸك جەلٸدە تاراعان ۆيدەولاردا بٸرنەشە ادامنىڭ جينالىپ, قاقتىعىس بولعانى كٶرٸنەدٸ. كەيبٸر كادرلاردا اۆتوكٶلٸكتٸڭ ادامدار توبىنا قاراي جٷرگەنٸ, ال باسقا ۆيدەولاردا كٷزەت قىزمەتكەرلەرٸنٸڭ ادامداردى كٷشتەپ كٶلٸككە وتىرعىزعانى بايقالادى.
الايدا رەسمي دەرەككٶزدەر بۇل وقيعانى ۇلتارالىق قاقتىعىس ەمەس, جۇمىسشىلار مەن كٷزەت اراسىنداعى تۇرمىستىق جانجال دەپ سيپاتتادى.
قانشا ادام ۇستالدى?
رەسەيلٸك قۇقىق قورعاۋ ورگاندارىنىڭ مەلٸمەتٸنشە, جانجالدان كەيٸن پوليتسيياعا 30-دان استام ادام جەتكٸزٸلگەن. ولاردىڭ بٸر بٶلٸگٸ ەكٸمشٸلٸك جاۋاپكەرشٸلٸككە تارتىلىپ, كەيٸن بوساتىلعان.
قازاقستان سىرتقى ٸستەر مينيسترلٸگٸ دە بۇل اقپاراتتى راستادى. ۆەدومستۆونىڭ مەلٸمەتٸنشە, ۇستالعانداردىڭ اراسىندا قازاقستان ازاماتتارى بار. كەيبٸرٸنە 10 تەۋلٸككە دەيٸن ەكٸمشٸلٸك قاماۋ تاعايىندالعان.
سونىمەن قاتار ٷش قازاقستاندىققا قاتىستى تەرگەۋ ەرەكەتتەرٸ جالعاسىپ جاتىر.
زارداپ شەككەندەر بار ما?
رەسمي اقپاراتقا سەيكەس, قازاقستان ازاماتتارىنىڭ اراسىندا اۋىر جاراقات العاندار جوق.
قازاقستان سٸم ٶكٸلدەرٸ جاعدايدى باقىلاۋدا ۇستاپ وتىرعانىن مەلٸمدەدٸ. سانكت-پەتەربۋرگتەگٸ باس كونسۋلدىق قىزمەتكەرلەرٸ وقيعا ورنىنا بارىپ, ۇستالعان ازاماتتارمەن كەزدەسكەن.
