شەشەنستان باسشىسى رامزان قادىروۆ رەسەي ەسكەرٸنٸڭ ليماندا شەگٸنۋٸنە ورتالىق ەسكەري وكرۋگقا جەتەكشٸلٸك ەتەتٸن گەنەرال پولكوۆنيك الەكساندر لاپين كٸنەلٸ دەپ مەلٸمدەدٸ.
بۇل تۋرالى ازاتتىق حابارلايدى.
"سول اۋماق قورعانىسىنا ورتالىق ەسكەري وكرۋگقا جەتەكشٸلٸك ەتەتٸن گەنەرال-پولكوۆنيك الەكساندر لاپين جاۋاپ بەرەدٸ. ليسيچانسكٸنٸ العانى ٷشٸن رەسەي باتىرى جۇلدىزىن العان لاپين. وعان باتىس ەسكەري وكرۋگىنىڭ ەسكەرٸن دە سەنٸپ تاپسىرعان" دەپ جازدى قادىروۆ.
بٸر كٷن بۇرىن ۋكراينا ەسكەرٸنٸڭ دونەتسك وبلىسىندا ليمان قالاسىنا كٸرگەنٸ راستالعان. بۇعان قوسا, وندا بەس مىڭ ورىس سولداتىنىڭ قورشاۋدا قالعانى حابارلانعان ەدٸ. كەيٸنگٸ كٷندەرٸ مۇندا قىزۋ شايقاس جٷرگەن.
شەشەنستان باسشىسىنىڭ ايتۋىنشا, لاپين ليمانداعى ورىس ەسكەرٸن قاجەتتٸ بايلانىسپەن قامتاماسىز ەتپەي, وق-دەرٸسٸز قالدىرعان. ول وسى ايماقتا جەڭٸلٸس بولۋى مٷمكٸن ەكەنٸن بۇرىن ەسكەرتكەنٸن, لاپيننٸڭ ٶزٸ مۇنى رەسەي قارۋلى كٷشتەرٸنٸڭ جەتەكشٸسٸ ۆالەريي گەراسيموۆپەن تالقىلاعانىن ايتتى.
"بٸراق گەنەرال لاپيننٸڭ قولباسشىلىق ٶنەرٸنە شەك كەلتٸرمەي, ليمان مەن ماڭىندا شەگٸنٸس بولمايدى دەپ سەندٸرگەن" دەدٸ قادىروۆ.
قادىروۆتىڭ ايتۋىنشا, بٸر اپتا ٶتكەن سوڭ لاپين ٶز شتابىن ليماننان جٷزدەگەن شاقىرىم جەردەگٸ ستاروبەلسكٸگە كٶشٸرگەن, گەنەرال-پولكوۆنيكتٸڭ ٶزٸ لۋگانسكٸدە بولعان.
"لاپيننٸڭ دارىنسىز باسشى بولعانى ەمەس, جوعارىداعى باس شتاب جەتەكشٸلەرٸنٸڭ ونى قورعاپ-قولپاشتاپ وتىرعانى جابىرقاتادى. ماعان سالسا, لاپيندٸ ماراپاتتارىنان ايىرىپ, قاتارداعى جاۋىنگەر قىلىپ, قولىنا اۆتومات ۇستاتىپ, الدىڭعى شەپكە جٸبەرەر ەدٸم. ٶز ماسقاراسىن قانىمەن جۋىپ-شايسىن" دەپ جازدى قادىروۆ.
شەشەنستان باسشىسىنىڭ پٸكٸرٸنشە, شەكارا اۋماقتا ەسكەري جاعداي جارييالاپ, "قۋاتى از يادرولىق قارۋ" پايدالانۋ كەرەك.
مامىر ايىندا BBC-دٸڭ ورىس قىزمەتٸ گەنەرال لاپيننٸڭ ٶز ۇلىن – 1-گۆاردييالىق تانكتەر پولكٸن باسقارعان, سۋمى مەن چەرنيگوۆتاعى شابۋىلىن سەتسٸز اياقتاعان پودپولكوۆنيك دەنيس لاپيندٸ ماراپاتتاعانىن جازدى. "زۆەزدا" تەلەارناسىندا رەسەي ارميياسىن ماراپاتتاۋ تۋرالى سيۋجەت شىعاتىن كٷنٸ ورىس كٷشتەرٸ چەرنيگوۆ پەن كيەۆ باعىتىندا شەگٸنٸپ جاتتى.
https://dalanews.kz/news/81101-otbasyndagy-zorlyq-zombylyqqa-zhol-be
