رەسەي ەسكەرٸ مەن قارۋلى تەحنيكاسىنىڭ 70 پايىزىن ۋكراينا شەكاراسىنا جاقىن جەرگە جايعاستىردى. وسىلاي دەپ Reuters جەنە Washington Postباسىلىمدارى اقش-تىڭ بارلاۋ قىزمەتٸندەگٸ دەرەككٶزٸنە سٸلتەمە جاساپ حابارلادى.
مەلٸمەتكە قاراعاندا, ۋكراينا شەكاراسىنا جاقىن جەردەگٸ رەسەيلٸك باتالوندىق توپتاردىڭ سانى 83-كە جەتتٸ. بۇدان بٶلەك تاعى 14 توپ جولدا بارا جاتقانى حابارلاندى.
دەرەككٶز بٸر اپتا بۇرىن شەكارا ماڭىنداعى ورىس باتالوندارىنىڭ سانى 60-قا جاقىن بولعانىن اتاپ ٶتكەن. باسىلىمداردىڭ جازۋىنشا, بۇل سانعا بەلارۋستا ٶتٸپ جاتقان ەسكەري جاتتىعۋعا بارعان رەسەيلٸك جاۋىنگەرلەردٸڭ قوسىلعان-قوسىلماعانى كٶرسەتٸلگەن ەمەس.
بٸر باتالوندىق توپتا 750-گە جاقىن ەسكەر بار. Washington Post گازەتٸ ۋكراينا شەكاراسىنا جاقىن جەردەگٸ جەنە اننەكسييالانعان قىرىم تٷبەگٸندەگٸ رەسەيلٸك ەسكەردٸڭ جالپى سانى 100-130 مىڭ دەپ جازادى.
رەسەي بىلتىر كٷزدەن بەرٸ ۋكراينا ماڭىنا ەسكەرٸن توپتاستىرىپ جاتىر. سوڭعى اپتادا بەلارۋس ايماعىنا دا ورىس ەسكەرلەرٸن جٶنەلتٸپ جاتىر. بۇل ايماق ۋكراينا سولتٷستٸگٸمەن شەكارالاس.
باتىس پەن كيەۆ رەسەي جاقىن كٷندەرٸ ۋكرايناعا شابۋىل جاساۋى مٷمكٸن دەپ ەسكەرتٸپ كەلەدٸ. مەسكەۋ مۇنداي نيەتٸ جوق ەكەنٸن, ەسكەري جاتتىعۋ ٶتكٸزۋ ماقساتىندا عانا ەكەنٸن ايتىپ, باتىسقا "ۋكراينا ناتو-عا مٷشە بولماۋى كەرەك" دەگەن تالاپ قويىپ جاتىر.
