رەسەي قورعانىس مينيسترلٸگٸ جەڭٸس كٷنٸنە وراي ۋاقىتشا بٸتٸم جارييالانعانىن مەلٸمدەدٸ. ال ۋكراينا تاراپى بۇعان جاۋاپ رەتٸندە ٶز ۇستانىمىن بٸلدٸرٸپ, «تىنىشتىق رەجيمٸن» ەنگٸزەتٸنٸن حابارلادى, دەپ حابارلايدى dalanews.kz
رەسەي: 8–9 مامىردا بٸتٸم جارييالانادى
رەسەيدٸڭ قورعانىس مينيسترلٸگٸ جوعارعى باس قولباسشى, پرەزيدەنت ۆلاديمير پۋتين شەشٸمٸمەن 8–9 مامىر كٷندەرٸ جەڭٸس كٷنٸن اتاپ ٶتۋگە بايلانىستى بٸتٸم جارييالاناتىنىن مەلٸمدەدٸ.
رەسمي حابارلامادا رەسەي تاراپى ۋكراينا دا وسى قادامدى قولدايدى دەپ ٷمٸتتەنەتٸنٸ ايتىلعان.
«ۋكراينا تاراپى دا وسى باستامانى قولدايدى دەپ ەسەپتەيمٸز. سونىمەن قاتار كيەۆ رەجيمٸ باسشىسىنىڭ ەرەۆاندا ٶتكەن ەۋروپالىق ساياسي قوعام سامميتٸندە جاساعان مەلٸمدەمەسٸنە نازار اۋداردىق. وندا دەل 9 مامىر كٷنٸ مەسكەۋگە سوققى جاساۋ تۋرالى قاۋٸپ ايتىلعان. رەسەي قارۋلى كٷشتەرٸ مەرەكەلٸك ٸس-شارالاردىڭ قاۋٸپسٸزدٸگٸن قامتاماسىز ەتۋ ٷشٸن بارلىق قاجەتتٸ شارالاردى قابىلدايدى», – دەلٸنگەن مينيسترلٸك مەلٸمدەمەسٸندە.
سونداي-اق رەسەي تاراپى ۋكراينا جەڭٸستٸڭ 81 جىلدىعىن اتاپ ٶتۋگە كەدەرگٸ كەلتٸرۋگە ەرەكەتتەنگەن جاعدايدا, كيەۆتٸڭ ورتالىعىنا جاپپاي زىمىران سوققىسى جاسالۋى مٷمكٸن ەكەنٸن ەسكەرتكەن.
ۋكراينا: 6 مامىردان باستاپ «تىنىشتىق رەجيمٸ»
بٸرنەشە ساعاتتان كەيٸن ۋكراينا پرەزيدەنتٸ ۆلاديمير زەلەنسكيي ٶز جاۋابىن جارييالاپ, اتىستى توقتاتۋ رەجيمٸن ەنگٸزەتٸنٸن مەلٸمدەدٸ.
ونىڭ ايتۋىنشا, رەسەي تاراپىنان ۋكرايناعا سوعىس قيمىلدارىن توقتاتۋ شارتتارىنا قاتىستى رەسمي ۇسىنىس تٷسپەگەن.
«بٷگٸنگە دەيٸن ۋكرايناعا ەسكەري ەرەكەتتەردٸ توقتاتۋ شارتتارى جٶنٸندە رەسمي تٷردە ەشقانداي ۇسىنىس جاسالعان جوق. رەسەيدٸڭ ەلەۋمەتتٸك جەلٸلەرٸندە تاراعان مەلٸمدەمەلەرگە سٷيەنۋ مٷمكٸن ەمەس. بٸز ٷشٸن ادام ٶمٸرٸ كەز كەلگەن مەرەكەدەن ەلدەقايدا ماڭىزدى. وسىعان بايلانىستى 6 مامىرعا قاراعان تٷنگٸ ساعات 00:00-دەن باستاپ تىنىشتىق رەجيمٸن جارييالايمىز», – دەدٸ زەلەنسكيي.
ۋكراينا باسشىسى ەلدٸڭ اتالعان ۋاقىتتان باستاپ «اينا قاعيداتى» بويىنشا ەرەكەت ەتەتٸنٸن, ياعني قارسى تاراپتىڭ قادامدارىنا سەيكەس جاۋاپ بەرەتٸنٸن اتاپ ٶتتٸ.
