«راحات ەكەۋمىزدىڭ قارىم-قاتىناسىمىزدا ەشقانداي ماسەلە جوق، ءبارى جاقسى. راحات – مەيىرىمدى ءارى قامقور سەرىك، اكە. بارلىق وتباسىنداعىداي بىزدە دە كيكىلجىڭدەر بولعانى راس. ءبىراق باق-تا وعان ناقاقتان-ناقاق جالا جابىلىپ جاتقانىن كوردىم. ولار ءمان-جايدى جەتە تۇسىنبەستەن جازىپ جاتىر. ۋايىمداۋدىڭ قاجەتى جوق. ءبارى جاقسى»، – دەيدى ءانشىنىڭ جۇبايى ۆيدەودا.
ءانشىنىڭ جۇبايى ارالارىندا كيكىلجىڭ بولعانىن جوققا شىعارمادى، ءبىراق كۇيەۋىنە جابىلعان جالامەن كەلىسپەيتىنىن جانە الاڭدايتىن ەشتەڭە جوق دەپ سەندىردى.
ايتا كەتەيىك، بۇعان دەيىن الەۋمەتتىك جەلىدە راحات تۇرلىحانوۆ ايەلىن ۇردى دەگەن اقپارات تاراعان بولاتىن. الماتى قالاسىنىڭ اكىمشىلىك قۇقىق بۇزۋشىلىق جونىندەگى مامانداندىرىلعان اۋدانارالىق سوتى راحات تۇرلىحانوۆقا قاتىستى اكىمشىلىك ءىستى قاراپ، اكىمشىلىك ەسكەرتۋ جازاسىن تاعايىنداعان بولاتىن.
