شىعىس قازاقستان وبلىسىنداعى گلۋبوكوە اۋىلىنىڭ تۇرعىنى ۋەكٸلەتتٸ ورگاننىڭ رادياتسييالىق قاۋپٸ جوعارى ايماقتا تۇرعىلىقتى جەرٸ تۋرالى كۋەلٸك بەرۋدەن باس تارتقانى ٷشٸن سوتقا شاعىمدانعان. باس تارتۋعا راستايتىن قۇجاتتاردىڭ جوقتىعى ۋەج رەتٸندە كٶرسەتٸلگەن, دەپ حابارلايدى Dalanews.kz.
"سەمەي يادرولىق سىناق پوليگونىنداعى يادرولىق سىناقتاردىڭ سالدارىنان زارداپ شەككەن ازاماتتاردى ەلەۋمەتتٸك قورعاۋ تۋرالى" زاڭىنا سەيكەس, 1966 جىلدان 1990 جىلعا دەيٸنگٸ جەراستى يادرولىق جارىلىستار كەزەڭٸندە وسى اۋماقتاردا تۇرعان, جۇمىس ٸستەگەن نەمەسە قىزمەت ەتكەن (سونىڭ ٸشٸندە ەسكەرگە شاقىرىلعان) ازاماتتار يادرولىق سىناقتاردان زارداپ شەككەندەر بولىپ تانىلادى. ولارعا جەڭٸلدٸكتەر مەن ٶتەماقىلار الۋ قۇقىعىن راستايتىن تيٸستٸ كۋەلٸكتەر بەرٸلەدٸ.
شىعىس قازاقستان وبلىسىنىڭ گلۋبوكوە اۋداندىق سوتى ٸستٸ قاراي وتىرىپ, تالاپ قويۋشىنىڭ 1990 جىلدىڭ سەگٸز ايىندا بەلوۋسوۆكا اۋىلىندا تۇرۋى تۋرالى جەتكٸلٸكتٸ دەلەلدەمەلەر بار دەگەن قورىتىندىعا كەلدٸ.
بۇل ٶڭٸر رادياتسييالىق قاۋپٸ جوعارى ايماققا جاتادى.
دەلەل رەتٸندە مىنا قۇجاتتار ۇسىنىلدى:
- تۋۋ تۋرالى كۋەلٸك;
- تالاپ قويۋشىنىڭ اناسىنىڭ بەلوۋسوۆكادا تۇراتىنىن راستايتىن ازاماتتىق حال اكتٸلەرٸ جازباسى;
- بالالار ٷيٸنٸڭ انىقتاماسى;
- تالاپ قويۋشىنىڭ ەپكەسٸ مەن اعاسىنىڭ تۋىلعاننان باستاپ بالالار ٷيٸنە قابىلدانعانعا دەيٸن اتالعان اۋىلدا ولارمەن جەنە اتا-اناسىمەن بٸرگە تۇرعانى تۋرالى ايعاقتارى.
"سوت تالاپ قويۋدى قاناعاتتاندىرىپ, تالاپ قويۋشىنىڭ 1990 جىلى سەگٸز اي بويى سەمەي يادرولىق سىناق پوليگونىنداعى يادرولىق سىناقتاردان زارداپ شەككەن اۋماقتا تۇرۋ فاكتٸسٸن انىقتادى", دەپ حابارلايدى قر جوعارى سوتىنىڭ باسپاسٶز قىزمەتٸ.
شەشٸم زاڭدى كٷشٸنە ەنگەن جوق.
