قىزىلوردادا سەبيٸنەن ايىرىلعان ەيەلدٸڭ تۋىسى جانايقايىن جەتكٸزدٸ

قىزىلوردادا سەبيٸنەن ايىرىلعان ەيەلدٸڭ تۋىسى جانايقايىن جەتكٸزدٸ
فوتو-كوللاج: Alash.kz

قىزىلوردادا كٶلٸك قاعىپ, بەس ايلىق سەبيٸنەن ايىرىلعان نارگيز ەسٸمدٸ ەيەلگە ەكٸنشٸ وپەراتسييا جاسالاتىنى بەلگٸلٸ بولدى. ال ونىڭ تۋىسى جانەركە سەراليەۆا ەلەۋمەتتٸك جەلٸدە جازبا جارييالاپ, جول اپاتىنا كٷدٸكتٸ جٷرگٸزۋشٸنٸڭ ۇزاق ۋاقىت بويى ۇستالماعانىنا نارازىلىق بٸلدٸردٸ, دەپ حابارلايدى dalanews.kz.

جانەركە سەراليەۆانىڭ ايتۋىنشا, اۋىر جاراقات العان نارگيزگە اراعا ەكٸ كٷن سالىپ تاعى بٸر وپەراتسييا جاساۋ جوسپارلانعان. جاقىنىنىڭ دەنساۋلىعىنا الاڭداعان ول قۇقىق قورعاۋ ورگاندارىنىڭ جۇمىسىنا قاتىستى بٸرقاتار سۇراق قويدى.

«اراعا ەكٸ كٷن سالىپ نارگيزگە ەكٸنشٸ وپەراتسييا جاسايىن دەپ جاتىر! وعان مورالدىق تۇرعىدان ٶتە قيىن, تٷسٸنگەن ادامعا!» – دەپ جازدى ول Instagram پاراقشاسىندا.

سونداي-اق ەيەل جول اپاتىنا قاتىسى بار جٷرگٸزۋشٸنٸڭ تۋىستارى بەينەجازبانى ەلەۋمەتتٸك جەلٸدەن الىپ تاستاۋدى سۇراپ, بٸرنەشە رەت حابارلاسقانىن مەلٸمدەدٸ.

«ۆيدەونى الىپ تاستاسىن دەپ تۋىستاردى جاعالاپ بارىپ, ٷزدٸكسٸز ولارعا, ماعان تەلەفون سوققانداي, قىلمىسكەردٸڭ تۋعان-تۋىسىن, ەكە-شەشەسٸن, ەيەلٸن دە دەل سولاي قىسپاققا المادىڭىزدار ما?!» – دەپ جازدى جانەركە سەراليەۆا.

ول پوليتسييا قىزمەتكەرلەرٸنەن كٷدٸكتٸنٸ ٸزدەۋ جۇمىستارىنىڭ نەتيجەسٸن اشىق ايتۋدى تالاپ ەتكەن.

«پوليتسييا بٸزدٸ قورعاي ما? پوليتسييادان قورعانۋىمىز كەرەك پە? وسىنشا ۋاقىت ٸشٸندە تابا الماۋعا نە كەدەرگٸ?! قاشان قولعا تٷسٸرەسٸزدەر?! نەتيجە قاشان كٶرەمٸز?!» – دەپ جانايقايىن جەتكٸزدٸ ەيەل.

بەس ايلىق سەبي جول اپاتىنان كٶز جۇمعان

ەسكە سالا كەتەيٸك, قايعىلى وقيعا 13 قازاندا قىزىلوردا قالاسىنداعى قۇلتەكەنوۆ كٶشەسٸندە بولعان.

الدىن الا مەلٸمەت بويىنشا, ساعات 17:10 شاماسىندا Mitsubishi Lancer اۆتوكٶلٸگٸنٸڭ جٷرگٸزۋشٸسٸ بەس ايلىق سەبيٸ بار ەيەلدٸ قاعىپ كەتكەن. جول-كٶلٸك وقيعاسىنان كەيٸن جٷرگٸزۋشٸ زارداپ شەككەندەرگە كٶمەك كٶرسەتپەستەن, وقيعا ورنىنان كەتٸپ قالعان.

انا مەن بالا اۋىر جاراقاتپەن اۋرۋحاناعا جەتكٸزٸلگەن. الايدا دەرٸگەرلەر سەبيدٸڭ ٶمٸرٸن ساقتاپ قالا المادى.

ال نارگيز بٸرنەشە كٷن بويى ەس-تٷسسٸز جاتقان. ونىڭ باس سٷيەگٸ, قابىرعالارى, بۇعاناسى, جامباسى مەن توبىعى سىنعانى, سونداي-اق ٶكپەسٸ زاقىمدانعانى حابارلاندى.

كەيٸن ەيەلدٸڭ ەسٸن جيعانى بەلگٸلٸ بولدى. دەگەنمەن العان اۋىر جاراقاتتارىنا بايلانىستى وعان مەديتسينالىق كٶمەك كٶرسەتۋ جالعاسقان.

كٷدٸكتٸگە ٸزدەۋ جارييالانعان

قىزىلوردا وبلىستىق پوليتسييا دەپارتامەنتٸ جول اپاتىنا بايلانىستى قىلمىستىق ٸس قوزعاعان.

قۇقىق قورعاۋ ورگاندارى كٶلٸك جٷرگٸزۋشٸسٸنٸڭ جەكە باسىن انىقتاپ, وعان رەسمي ٸزدەۋ جارييالادى. سونداي-اق سوت كٷدٸكتٸنٸ سىرتتاي قاماۋعا الۋ تۋرالى شەشٸم قابىلداعان.

31 قازاندا جارييالانعان اقپاراتقا سەيكەس, جٷرگٸزۋشٸ ەلٸ قولعا تٷسپەگەن بولاتىن.

ال زارداپ شەككەن وتباسىنىڭ جاقىندارى وقيعانىڭ ەدٸل تەرگەلٸپ, كٸنەلٸ ادامنىڭ زاڭ الدىندا جاۋاپ بەرۋٸن تالاپ ەتٸپ وتىر.

قازٸرگٸ ۋاقىتتا كٷدٸكتٸنٸڭ ۇستالعانى تۋرالى كەيٸنگٸ رەسمي اقپارات انىقتالعان جوق.