قۇرىلىس قارقىنى دوللار باعامىنا قىسىم تٷسٸرۋٸ مٷمكٸن

قۇرىلىس قارقىنى دوللار باعامىنا قىسىم تٷسٸرۋٸ مٷمكٸن
فوتو: inbusiness.kz

قازاقستاندا قۇرىلىس سالاسىنىڭ قارقىندى دامۋى يمپورتتىق ماتەريالدارعا سۇرانىستى ارتتىرىپ, تەڭگە باعامىنا قوسىمشا قىسىم تٷسٸرۋٸ مٷمكٸن. مۇنداي بولجامدى Halyk Finance ساراپشىلارى جارييالادى, دەپ حابارلايدى dalanews.kz.

2026 جىلدىڭ العاشقى ون ايىندا ەلدەگٸ قۇرىلىس جۇمىستارىنىڭ كٶلەمٸ 13,1%-عا ۇلعايعان. ال قۇرىلىس ماتەريالدارىنىڭ وتاندىق ٶندٸرٸسٸ نەبەرٸ 5,4%-عا ٶستٸ. ياعني ٸشكٸ ٶندٸرٸس سالاداعى سۇرانىس قارقىنىنا ٸلەسە الماي وتىر.

وسى كەزەڭدە اتقارىلعان قۇرىلىس جۇمىستارىنىڭ 55%-ى ينفراقۇرىلىمدىق جوبالارعا تيەسٸلٸ بولدى. ساراپشىلار 2027 جىلى دا سالاداعى جوعارى ٶسٸم ساقتالادى دەپ بولجايدى.

الايدا قۇرىلىس كٶلەمٸ مەن وتاندىق ماتەريالدار ٶندٸرٸسٸ اراسىنداعى الشاقتىق ۇلعايسا, ەل يمپورتقا كٶبٸرەك تەۋەلدٸ بولۋى ىقتيمال. شەتەلدەن تاۋار ساتىپ الۋ ٷشٸن ۆاليۋتاعا, سونىڭ ٸشٸندە دوللارعا سۇرانىس ارتادى. بۇل تەڭگەنٸڭ ايىرباس باعامىنا قوسىمشا قىسىم تٷسٸرۋٸ مٷمكٸن.