اۋىل شارۋاشىلىعى مينيسترٸ ايداربەك ساپاروۆ "قييار مەن قىزاناقتىڭ تاپشىلىعىن جويۋ ٷشٸن نە ٸستەلٸپ جاتىر?" دەگەن ساۋالعا جاۋاپ بەردٸ, دەپ حابارلايدى Dalanews.kz.
بيىل كارتوپ باعاسى عانا ەمەس, ەلدە ٶسٸرٸلەتٸن قييار-قىزاناق تا قىمباتتاعان. تٸپتٸ تروپيكالىق جەمٸس باناننان دا قىمبات بولىپ, كەلٸسٸ 1300 تەڭگەگە دەيٸن جەتكەن.
مينيستر الدا تەكسەرٸس جٷرگٸزٸلەتٸنٸن مەلٸمدەدٸ.
"ەر نٷكتەدە باعا ەرتٷرلٸ بولىپ جاتىر. بۇل جەردە تەكسەرٸس جۇمىسىن كٷشەيتۋ كەرەك. بٸر جۇما بۇرىن ساۋدا مينيسترٸمەن كەزدەسٸپ, وسى جۇمىستى بٸراز تالقىلادىق. ەر وبلىستا ساۋدا دەپارتمەنتتەرٸ بار. ولار وبلىسپەن جۇمىستى اتقارىپ, ساۋدا نٷكتەلەرٸن ارالاپ, قاراپ, باعالاردى ناقتىلاۋى كەرەك. ون بەس پايىزدان جوعارى بولماۋى كەرەك. وسى جاعىنان جۇمىستى كٷشەيتۋ كەرەك, سونداي كەلٸسٸمگە كەلدٸك. ەندٸگٸ جۇمادا بۇل جۇمىس باستالىپ كەتەدٸ", - دەپ جاۋاپ بەردٸ مينيستر.
ٷكٸمەتتەگٸ بريفينگتە باق ٶكٸلٸ ەلدە قازاقستاندىق ٶنٸم تاپشى ەكەنٸن, 20-30 پايىز كٶلەمٸندە قييار مەن قىزاناق قىتايدان كەلەتٸنٸن ايتتى. مينيسترگە "تاپشىلىق قالاي جويىلادى?" دەگەن ساۋال جولداندى.
"تاپشىلىقتى جويۋ بويىنشا بۇرىن 1 ملن 600 مىڭ گەكتار جىلىجاي بولسا, قازٸر ەكٸ ٷلكەن جىلىجاي سالىنىپ جاتىر. بەس جٷز گەكتاردان. شىمكەنتتە جەنە تٷركٸستان وبلىسىندا. وسىمەن تاپشىلىق جويىلادى. ەلدٸ قامتۋ كٶلەمٸ جٷز پايىزعا دەيٸن جەتەدٸ", - دەپ سەندٸردٸ شەنەۋنٸك.
ەسكە سالايىق, بۇعان دەيٸن اۋىل شارۋاشىلىعى مينيسترٸ ايداربەك ساپاروۆ بيىل ەلٸمٸزدە اۋىل شارۋاشىلىعى داقىلدارى ەگٸلەتٸن جەر كٶلەمٸ ٶتكەن جىلمەن سالىستىرعاندا 518 مىڭ گەكتارعا ارتاتىنىن مەلٸمدەگەن بولاتىن.
مينيستردٸڭ ايتۋىنشا, اۋىل شارۋاشىلىعى ٶنٸمٸن ەكٸ ەسە ۇلعايتۋ جٶنٸندەگٸ جول كارتاسى اياسىندا ەگٸس القاپتارىن ەرتاراپتاندىرۋ جۇمىستارى جالعاسادى. بارلىق تيٸستٸ كٶرسەتكٸش ەكٸمدٸكتەرگە جەتكٸزٸلگەن.
