قارجىلىق مونيتورينگ اگەنتتٸگٸ باس كٶلٸك پروكۋراتۋراسىنىڭ ٷيلەستٸرۋٸمەن اي-92 ماركالى بەنزيندٸ قىرعىز رەسپۋبليكاسىنا زاڭسىز شىعارۋمەن اينالىسقان قىلمىستىق توپقا قاتىستى تەرگەپ-تەكسەرۋدٸ اياقتادى, دەپ حابارلايدى dalanews.kz.
توپ قۇرامىندا 9 ادام بولعان. زاڭسىز سحەمانى جٷزەگە اسىرۋ ٷشٸن ولار مۇناي ٶنٸمدەرٸن ساتىپ الۋ, قۇجات رەسٸمدەۋ جەنە ەكسپورتتاۋ ماقساتىندا 12 زاڭدى تۇلعانى تٸركەگەن. بەنزيننٸڭ شىعۋ تەگٸن زاڭداستىرۋ جەنە ونى شەتەلگە شىعارۋ ٷشٸن كٷدٸكتٸلەر "قارا ماي ويل" جشس مەن Petro Bazis جشس شاعىن مۇناي ٶڭدەۋ زاۋىتتارىن پايدالانعان. قۇجات جٷزٸندە كەسٸپورىندار اي-92 بەنزينٸن جەڭٸل ديستيللياتپەن نەمەسە ەرٸتكٸشپەن ارالاستىرۋ قىزمەتٸن كٶرسەتكەن. الايدا ٸس جٷزٸندە ولاردىڭ قىزمەتٸ بەنزيندٸ ەشقانداي تەحنولوگييالىق ٶڭدەۋسٸز تەمٸرجول تسيستەرنالارىنا قۇيۋمەن عانا شەكتەلگەن.
كەيٸن جالعان قۇجاتتار رەسٸمدەلٸپ, ولاردىڭ نەگٸزٸندە بەنزين اروماتتى كٶمٸرسۋتەكتەر قوسپاسى, ەرٸتكٸشتەر نەمەسە جەڭٸل كٶمٸرسۋتەكتەر قوسپاسى رەتٸندە دەكلاراتسييالانعان. نەتيجەسٸندە كٶلٸك بەنزينٸ مۇناي-حيمييا ٶنٸمٸ رەتٸندە كٶرسەتٸلٸپ, قىرعىز رەسپۋبليكاسىنا زاڭسىز شىعارىلعان. بۇل ەرەكەتتەر ەلدٸڭ ٸشكٸ نارىعىندا مۇناي ٶنٸمدەرٸ تاپشىلىعى بايقالعان كەزەڭدە دە جٷزەگە اسىرىلعان.
زاڭسىز ەكسپورتتالعان بەنزين كٶلەمٸ 190 مىڭ توننادان اسىپ, قىلمىستىق توپتىڭ كٶلەڭكەلٸ اينالىمى 37,2 ملرد تەڭگەدەن اسقان. جەدەل ٸزدەستٸرۋ ٸس-شارالارى بارىسىندا "تٷركسٸب" ستانتسيياسىندا قىرعىز رەسپۋبليكاسىنا جٶنەلتٸلمەك بولعان شامامەن 500 توننا زاڭسىز بەنزين تيەلگەن 8 تەمٸرجول تسيستەرناسى ۇستالدى. قۇنى 138 ملن تەڭگە بولاتىن تەركٸلەنگەن بەنزين مەملەكەت كٸرٸسٸنە ٶتكٸزٸلدٸ. قىلمىستىق ٸس سوتقا جولداندى.
