ستيۆ پاۆلينا, اقش
نەگە مەنٸڭ سالماعىم تىم كٶپ? نەگە جاي عانا سۇلۋ, سىمباتتى بولا سالمادىم ەكەن? تەتتٸنٸ جەمەي جٷرۋگە بولا ما? نەگە سپورتپەن شۇعىلدانۋ سونداي قيىن?
نەگە تابىس تابۋ سونداي قيىن? قارىزدارىمنان قالاي قۇتىلسام ەكەن? نەگە مەنٸڭ كٶلٸگٸم سىنا بەرەدٸ? اقشاسىز ٶمٸر – ٶمٸر ەمەس.
نەگە جاقسى قىزدار (جٸگٸتتەر) ماعان قارامايدى? مەن جاقسى ادام سيياقتىمىن عوي. بٸراق اينالام تولعان ناقۇرىستار. جالعىزدىقتان شارشادىم. قاشان ماحابباتىمدى تابام?
[caption id="attachment_10504" align="alignleft" width="352"]
نەگە ويىمداعىداي جۇمىس تابا الماي قويدىم? ٶزٸم جەك كٶرەتٸن جۇمىستا قاشانعا دەيٸن وتىرا بەرەم? مىناۋ نە ٶمٸر? باسقا جۇمىس قاراستىرۋ كەرەك.
تانىس سٶزدەر مە?
قيىندىق كەدەرگٸ ٸسپەتتٸ
جوعارىدا ايتىلعان سٶزدٸڭ بەرٸ قيىندىق بٸتكەندٸ كەدەرگٸ ەتٸپ كٶرسەتٸپ جاتىر. ىڭعايسىزدىق, اشۋ شاقىراتىن سەزٸمنٸڭ بەرٸ ادامدى توقىراتادى. كەدەرگٸ كەلتٸرەدٸ. ٶمٸردٸڭ جاقسى جاقتارىن كٶرسەتپەيدٸ.
مۇنداي ۇستانىممەن ادام سول كەدەرگٸلەردٸ بولدىرماۋعا بارىن سالۋى كەرەك. ەگەر تٷيتكٸل الدىدان شىقسا, وندا ٶمٸرٸڭٸزدە بٸر نەرسە بۇرىس كەتتٸ. سونى الدىن الا ەسكەرٸپ, بولدىرماۋدىڭ جايىن جاساۋ كەرەك ەدٸ. باسقا تٷسكەن قيىندىق جولىڭ بولماعاننىڭ, قيىن تاعدىردىڭ مىسالى بولادى. نەمەسە وسىعان دەيٸن تەرٸس ويدىڭ جەتەگٸندە ٶمٸر سٷرگەننٸڭ, سول ويدىڭ سالدارىنان قيىندىق تۋدىرعانىڭىزدى تٷسٸنەسٸز.
ەگەر ەلٸ دە قيىندىقتان ارىلا الماي جٷرسەڭٸز, ولاردى شەشۋگە تىرىسىڭىز. ەش قيىندىقسىز ٶمٸر سٷرۋدٸ ٷيرەنٸڭٸز. قيىندىقسىز ٶمٸر سٷرۋ مٷمكٸن ەمەس دەگەن ويدان قۇتىلىڭىز.
بۇل ەڭ سوراقى ۇستانىم. نەعۇرلىم سولاي كٶبٸرەك ويلاساڭىز, سوعۇرلىم وسال بولا بەرەسٸز. مۇنداي ۇستانىم ادامدى جولايرىققا تٸرەيدٸ. ەكٸ جولدىڭ بٸرٸ ٷنەمٸ قيىندىق استىندا قالۋعا مەجبٷرلەيدٸ. اقىرىندا ٶمٸرٸڭٸز تەك سول تٷيتكٸلدەردٸ شەشۋگە باعىتتالىپ كەتەدٸ. ونى ادام بٸر ٶزٸ شەشۋگە قيىنسىنادى. سوندىقتان ٶزٸنە تۇنشىقتىرعىش ويلاپ تاۋىپ الادى. تەلەديدار, ۆەب-سەرفينگ, بەينە ويىندار, ٷزدٸكسٸز كٸتاپ وقۋ, ٸشٸمدٸك, ەسٸرتكٸ جەنە ت.ب. باياۋ سۋعا كەتە بەرەسٸز... ٶمٸر ساۋساق اراسىنان اعىپ كەتەدٸ. تاعى قيىندىق تۋسا, تاعى سٶيتەسٸز... قيىندىق كٶرسە, جانى قينالىپ, باسى اۋىرىپ, مازاسىزدىق, كٷيگەلەكتٸك مەڭدەپ الادى.
ەكٸنشٸ جول – شەگٸنٸس. قيىندىقتاردى ازايتۋ ٷشٸن مىنا ەلەمنەن بٸراز ۋاقىتقا باز كەشۋگە تۋرا كەلەدٸ. مۇنداي قادامدى «وڭتايلاندىرۋ» نەمەسە «مينيماليزم» دەپ اتاسا دا بولادى. ەگەر ٶمٸردٸڭ بٸر باعىتىندا كەدەرگٸ پايدا بولسا, ونى ادام وتا جاساپ الىپ تاستاۋعا پەيٸلدٸ بولادى. بەلكٸم, ول ادام جالعىز تۇراتىن شىعار. ونىڭ دوستارى از شىعار. جەڭٸل جۇمىس جاساپ, ٶزٸنٸڭ قابٸلەتٸن شىڭدامايتىن بولار. شىڭداماعان سوڭ ەشبٸر سىي المايدى. تابىس تاپپايدى. سودان دا بٸر ٷڭگٸردە تۇرىپ, مەديتاتسييا جاساۋ جاقسى وي سيياقتانادى.
سٸزگە كەرەگٸ – تىنىشتىق, تىنىشتىق قانا. بٸراق سول تىنىشتىق بۇيىرمايدى. ەيتەۋٸر, مازانى الاتىن بٸر قۇبىلىس بولادى دا تۇرادى.
بٸراق باسقا دا جولدار بار. ەيتكەنمەن, ادامنىڭ كٶبٸ جوعارىدا ايتىلعان ەكٸ جولدىڭ بٸرٸن تاڭدايدى. بٸرٸنشٸسٸنە تٷسكەندەر مەڭگٸلٸك كٷيزەلٸستەن ارىلا المايدى. ەكٸنشٸسٸن تاڭداعاندار ۇزاق مەرزٸمدٸ اتروفيياعا ۇشىرايدى. قالاي دەسەك تە, بۇل ەكٸ جولعا تٷسكەن ادام ٶزٸن ٸزدەۋگە اسىقپايدى. سونىڭ سالدارىنان بەس جىل بۇرىنعى قيىندىق بٷگٸندە ەكٸ يٸنٸڭنەن باسىپ تۇراتىن قارا تاسقا اينالادى.
قيىندىق – مٷمكٸندٸك بۇلاعى
ٶز تاراپىمىزدان باسقا جولدى ۇسىنىپ كٶرەيٸك. بٸز ۇسىنعان جول مٷمكٸندٸكتەردٸ كٶبەيتٸپ, ادامدى بولماشى قىڭقىل-كٷڭكٸلدەن تىيادى.
قيىندىق ادامعا زييانىن تيگٸزۋ ٷشٸن بەرٸلمەيدٸ. كەرٸسٸنشە, ولار ادامدى مىقتى ەتە تٷسەدٸ. سپورتزالداعى زٸلماۋىر كٸرلەر سيياقتى. ولاردى كٶتەرگەن سايىن شارشايتىنىڭىزدى سەزەسٸز. بٸراق ۋاقىت ٶتە كەلە وپ-وڭاي كٶتەرە بەرەتٸنٸن ەركٸم بايقايدى. جاتتىعۋ كەرەك. بويىڭدى ٷيرەتۋ شارت. ٶمٸردە بەتپە-بەت كەلگەن قيىندىقتىڭ بەرٸنە تٶزگەندە سوڭعى نٷكتەنٸ عانا ويلايتىن ادامداردىڭ كٶپتٸگٸ ٶتٸرٸك ەمەس. نەگٸزٸندە بۇل ساياز وي. سپورتزالدا تەك نەتيجەسٸن كٶرۋ ٷشٸن عانا جٷرمٸنگە سايادى.
ودان گٶرٸ ٶنٸمدٸ ويلاي بٸلۋ كەرەك. ەڭ ماڭىزدىسى – قيىندىقتى شەشۋگە باعىتتالعان ٸس-ەرەكەت. ادامدى ٸس-ەرەكەتٸ ٶسٸرەدٸ. نەتيجەسٸ ەمەس. نەتيجە ەر تٷرلٸ بولۋى مٷمكٸن.
مەسەلەن, بٸر ادام اقشاسىز, موينىندا قارىزى بار دەلٸك. مۇنداي قيىندىقتى كٸم بولسا دا تەزٸرەك شەشۋگە ۇمتىلادى. بۇل قيىندىقتىڭ ماڭىزى نەتيجەسٸندە ەمەس, سوعان قالاي جەتۋگە بولاتىنىن ويلاۋدا تۇر.
بٷگٸنگٸ مەنٸڭ قارجىلىق ەركٸندٸگٸمنٸڭ بٸر سەبەبٸ – وسىدان ون جىل بۇرىن ٶزٸمنٸڭ قاراجاتسىز جٷرۋ مەسەلەمدٸ شەشٸپ الدىم. ٶتە قيىن شارۋا ەدٸ. قانشاما ساتىدان ٶتتٸم. ٶزٸمە سەنٸمدٸ, مىقتى بولۋعا تالپىندىم. قارجىعا دەگەن ٶزٸمنٸڭ كٶزقاراسىمدى جيٸ اۋىستىردىم. سول كٸردٸ كٶتەرگەن سايىن مەنٸڭ سانام تولىسا بەردٸ. سودان قارجىلىق جاعدايىم تٷزەلدٸ.
بۇدان تٷيەتٸنٸمٸز نە? ەگەر الدا-جالدا كەلەشەكتە مەن بٸر تيىنسىز قالسام, ونىڭ شەشٸمٸن ەش قيىندىقسىز تابامىن. تٸپتٸ بٸرٸنشٸ رەتكە قاراعاندا جىلدام شەشۋٸم دە ىقتيمال. كٶپ اقشا شىعىنداپ الامىن دەگەن ٷرەيدەن اۋلاقپىن. ول نەتيجەگە جەتە الاتىنىما سەنٸمٸم مول. مەنٸڭ نەگٸزگٸ ماقساتىم اقشا ەمەس, تابىس تاۋىپ ٷيرەنۋ ەدٸ. ٸشكٸ جەتٸلۋ, بٸلٸم, اقشا تابۋدىڭ تەتٸگٸن مەڭگەردٸم.
ەگەر مەنٸڭ بار قيىندىعىم ٶزگەنٸڭ اقشا بەرە سالۋىمەن شەشٸلسە, وندا مەن جيناعان بٸلٸم مەن تەجٸريبە بولماس ەدٸ. لوتورەيا ۇتىپ الۋ – نەتيجە بەرمەيدٸ.
اقشاعا زەرۋلٸگٸم كەزٸندە ٸشٸمنەن اسپاننان اقشا جاۋىپ كەتپەسٸن دەپ دۇعا ەتەتٸنمٸن. ٶزٸمنٸڭ قيىندىعىمدى ٶزٸم عانا شەشۋٸم كەرەك دەپ تٷيدٸم. مەن ٷشٸن اقشالى بولۋدىڭ تەجٸريبەسٸن ٶتكەرۋ ماڭىزدىراق ەدٸ.
شەشۋگە تيٸستٸ بٸرنەشە مەسەلەنٸڭ بەرٸ دە مەنٸ ماقساتىما اپاراتىن التىن كٶپٸر ەكەنٸن ەسكەرٸپ وتىردىم. قينالسام دا بارلىق كيكٸلجٸڭگە شىدادىم. ٷيرەندٸم. مٸنەزٸم تٶسەلدٸ. سابىرلى بولۋدى ٷيرەندٸم. كٷتە بٸلۋدٸڭ ماڭىزدى ەكەنٸن تٷسٸندٸم.
سول مەسەلەلەردٸ شەشە جٷرٸپ بٸرقاتار ماقالا جازىپ تاستادىم. بٸلگەنٸممەن بٶلٸسۋگە تىرىستىم. قيىن ساباقتار بولماعاندا اقشاعا قول جەتكٸزە الماس ەدٸم.
بۇدان تٷيەتٸنٸمٸز نە? ەگەر الدا-جالدا كەلەشەكتە مەن بٸر تيىنسىز قالسام, ونىڭ شەشٸمٸن ەش قيىندىقسىز تابامىن. تٸپتٸ بٸرٸنشٸ رەتكە قاراعاندا جىلدام شەشۋٸم دە ىقتيمال. كٶپ اقشا شىعىنداپ الامىن دەگەن ٷرەيدەن اۋلاقپىن. ول نەتيجەگە جەتە الاتىنىما سەنٸمٸم مول. مەنٸڭ نەگٸزگٸ ماقساتىم اقشا ەمەس, تابىس تاۋىپ ٷيرەنۋ ەدٸ. ٸشكٸ جەتٸلۋ, بٸلٸم, اقشا تابۋدىڭ تەتٸگٸن مەڭگەردٸم.
اعزاداعى دەرت تەننٸڭ قۋاتىن قۇرايدى. ساناعا تٷسەتٸن سالماق مەنتالدى قۋاتتى قۇرايدى. قارىم-قاتىناس تٷيتكٸلٸ ەلەۋمەتتٸك قۋاتتى قۇرايدى. وسىلاردىڭ بارلىعى جينالىپ كەلٸپ رۋحاني قۋاتتى قۇرايدى.
مۇنداي ۇستانىمىم ۇزاقمەرزٸمدٸ جاعىمدى پەرسپەكتيۆانى كٶرسەتەدٸ. مۇنداي ۇستانىمدى نەعۇرلىم قاتتىراق قولداساڭىز, سوعۇرلىم مىقتى بولا بەرەسٸز.
قيىندىقتى جەڭۋگە كٶزقاراستى ٶزگەرتۋ
مەسەلەنٸ شەشۋدٸ انامنان ٷيرەندٸم. ول ماتەماتيكا پەنٸنٸڭ مۇعالٸمٸ بولدى. ٶمٸر باقي ماعان ەسەپتەر شىعارۋدى تاپسىراتىن. تٷرلٸ كٸتاپتار ەكەپ بەرەتٸن. ەكۆيۆالەنتتٸلٸك, وپتيكا, لوگيكا ەسەپتەرٸن شىعارتاتىن. كەز كەلگەن كٸتاپ دٷكەنٸندە بار كٸتاپتار. جازعى دەمالىستا بوس وتىرماسىن دەۋشٸ ەدٸ.
سول كٸتاپتارىمدى جاقسى كٶرۋشٸ ەدٸم. بالانىڭ سان الۋان ەسەپتەرمەن تانىستىعى ونىڭ زەردەلٸ بولۋىنا ىقپال ەتەدٸ. ەسەپتٸ شىعارا الماي قينالاسىڭ. ويلاناسىڭ. تولعاناسىڭ. شەشٸمٸ بار. قايتسەڭ دە تاپقىڭ كەلەدٸ. تاپقان سوڭ جانىڭ جاي تابادى. ەسەپ شىعارۋ مەنٸ زەرەك ەتتٸ. مەنٸڭ ٶمٸرلٸك قىزىعۋشىلىعىم تٷرلٸ ەسەپ شىعارۋعا اينالدى.
ال, باسقا بالالار ماعان كەلٸپ ەسەپ شىعارىپ بەرشٸ دەپ سۇرايتىن. مەن كٶمەكتەسەتٸنمٸن. بٸرگە وقىماساق تا, مەنٸ مەكتەپتەگٸ مىقتى ەسەپ شىعارعىش اتاپ كەتتٸ. مۇعالٸمدەرٸمنٸڭ بٸرٸ مەنٸڭ قابٸلەتٸمدٸ شىڭداعىسى كەلدٸ. ماعان باسقالارعا قوسىمشا ساباق ٶتۋگە رۇقسات ەتەتٸن. وسىلاي اقشا تابۋدى باستادىم.
بٸر كٷنٸ فيزيكا پەنٸنٸڭ مۇعالٸمٸ ساباقتىڭ الدىندا شاقىرىپ الىپ, بٸر ەسەپتٸ شىعارشى دەدٸ. تەز شىعارىپ بەردٸم. فيزيكادان بەرٸن جاقسى بٸلگەندٸكتەن ەمەس. كٶپ ەسەپ شىعارىپ ەدەتتەنگەندٸكتەن. شەشٸمٸن الدىن الا بٸلٸپ تۇردىم. فيزيكا ٷشٸن مەنٸڭ شەشٸمٸم بٶتەن بولعانىمەن, ماتەماتيكا ٷشٸن قالىپتى ەسەپ ەدٸ. قىسقى دەمالىستا ٸشٸم پىستى. ماتەماتيكادان بارلىق ەسەپتەردٸ شىعارىپ تاستادىم. سوسىن ونى مۇعالٸمگە تاپسىردىم. ەندٸ ساباقتا نە ٸستەيسٸڭ دەدٸ. ماعان مىسال ەسەپ بەرٸپ قوياتىن بولدى. ەمتيحان سۇراقتارىنا دايىندادى. ٶزٸم كالكۋلياتور باعدارلاماسىن جاساۋدى باستاپ كەتتٸم. بۇل دا مەن ٷشٸن ەسەپ ەدٸ. مۇنداي لوگيكانى ماتەماتيكادان تىس جەردە دە قولدانۋعا بولاتىنىن مەن كەيٸن بٸلدٸم. ٶز باسىم بۋحگالتەرييانى جەك كٶرەمٸن. بيزنەستٸڭ ەڭ ٸش پىستىرارلىق سالاسى سول. مەن ونىڭ كٶپ بٶلٸگٸن بۋحگالتەرگە تاپسىرامىن. بٸراق كەسٸپپەن اينالىسقان ادامعا ەسەپتەن قاشىپ قۇتىلۋعا بولماس. بۋحگالتەرلٸك جۇمىسقا قارسىلىق بٸلدٸرگەنشە ونى باسقاشا باعالاۋدى باستادىم. تەزٸرەك جۇمىستى بٸتٸرۋگە اسىقپايمىن. مەنٸڭ ماقساتىم – جۇمىستى ٶزٸمنٸڭ جەتٸلۋٸمە قولدانۋ. ٸسٸمنٸڭ قارجىلىق سالاسىنىڭ مٷلتٸكسٸز بولۋى مەنٸڭ جەكە باسىمنىڭ جيناقى بولا تٷسۋٸنە ەسەرٸن تيگٸزەدٸ. قارجىلىق سالانى دۇرىس باسقارسام, ول ماعان بٸرنەشە جىل بويى قىزمەت ەتەتٸنٸن بٸلەم.
بۇل جۇمىستى ٶزگەلەرگە دە تاپسىرسام بولار ەدٸ. مەنٸڭشە بۇل جاقسى وي ەمەس. ەسەپ شىعارۋ ماعان ماڭىزدى ساباق بولماق. ٸسكەرلٸگٸمە تيگٸزەتٸن پايداسى شاش ەتەكتەن. ەيتپەسە, باستاعان ٸسٸم اياقسىز قالماق. باسقارۋ ەسەپ شىعارۋعا نەگٸزدەلەدٸ. كەيٸن بەلكٸم بٸرەۋگە تاپسىرۋعا بولاتىن شىعار. 25 كەلٸلٸك كٸرگە اۋىسپاس بۇرىن 20 كەلٸلٸكتٸ ەبدەن مەڭگەرۋٸم كەرەك.
سانى كٶپ تٷيتكٸلدٸ ەڭسەرۋ
تٷيەقۇس بولىپ ٶمٸر سٷرگەن ىڭعايلى, ەرينە. باسىڭدى قۇمعا تىعىپ الىپ, ەشتەڭە بولماعانداي جٷرە بەرۋ – كٶپ ادامنىڭ ەدەتٸ. اينالاڭ قۇجىناعان شەشٸلمەگەن مەسەلە: قالتاڭ بوس, جۇمىستان پايدا جوق, جۇبىڭمەن ۇرىس-كەرٸس, قارىن قامپيعان, ماقسات جوق.
سٸزگە ەڭ جەڭٸل سالماقتان باستاۋ كەرەك. كٷندەلٸكتٸ جاتتىعۋ جاساڭىز. كٸشٸگٸرٸم مەسەلەنٸ شەشۋگە ٷيرەنگەن سوڭ, اقىرىنداپ ٸلگەرٸلەي بەرەسٸز. سەنٸم پايدا بولادى. ادامنىڭ ساناسى جەتٸلەدٸ. ودان دا كٷردەلٸ تٷيتكٸلدٸ شەشە باستايدى.
باستاپقىدا تازالىق جاساۋ, جٶندەۋ جۇمىستارىنا مەن بەرۋ كەرەك. ٷستەلٸڭٸزدٸڭ ٷستٸن جيناڭىز. دەرەتحانانى تازالاڭىز. كيٸم-كەشەكتٸ رەتتەڭٸز. حاتتاردى تەكسەرٸڭٸز. بار بولسا, كارتينانى قابىرعاعا ٸلٸڭٸز. توڭازىتقىشتاعى بۇزىلعان تاعامدى تاستاڭىز.
وسىنىڭ بەرٸن كٷندەلٸكتٸ جاساپ داعدىلانىڭىز. بٸر مەزگٸلدە ۋاقىت بٶلٸڭٸز. بەلگٸلەنگەن ۋاقىت ٸشٸندە نە ٷلگەردٸڭٸز? ەسەبٸن بٸلٸپ جٷرٸڭٸز. ۋاقىتتى ۇتىمدى پايدالانۋدىڭ بٸر تەسٸلٸ وسى. سوندا ٸستەگەن ٸستەر سونشالىقتى كٷردەلٸ بولىپ كٶرٸنبەيدٸ. ۋاقىتتى دا جەمەيدٸ. ۋاقىتتى تيٸمدٸ جۇمساۋعا قالىپتاساسىز. بۇل دا سول سپورتزال سيياقتى نەرسە.
مىقتى بولا تٷسٸڭٸز
بٸر تٷيتكٸلدٸڭ شەشٸمٸن تابۋ ادامعا كٶپ رەسۋرس بەرەدٸ. نەعۇرلىم كٶپ ەسەپ شىعارساڭىز, سوعۇرلىم ەسەپكە بەيٸمدٸلٸك ارتا بەرەدٸ.
تيٸمدٸلٸككە جەتەلەيتٸن ەدەتتٸ سٸڭٸرٸپ وتىرۋ ماڭىزدى. ەگەر ەر مەسەلەدەن ٶرەڭٸزدٸ ٶسٸرەتٸن قيىندىق كٶرسەڭٸز, ونى ورىنداۋعا بارىڭىزدى سالىڭىز. ٶزٸڭٸزگە ٶزٸڭٸز «مەن مۇنى ٸستەي الامىن!» دەگەن ۇستانىم بەرٸڭٸز. كٸرگە ەر توقسان سايىن سالماق قوسىپ وتىرۋى كەرەك. جەڭٸل دٷنيە ٶسٸرمەيتٸنٸن ۇمىتپاعايسىز. قيىندىقپەن رۋحاني جەتٸلۋ كەلەدٸ. رۋحاني ٶسكەن ادامنىڭ قايراتى مەن جٸگەرٸ ەسەلەنٸپ وتىرادى.
مەن قينالدىم دەپ ەشكٸمگە ەشقاشان ايتپاڭىز. قيىندىق ٷشٸن تەڭٸرگە العىس ايتىڭىز. قيىندىقپەن ادام جەتٸلە تٷسەدٸ. بەرٸلگەن تٷيتكٸل سٸزدٸڭ رۋحىڭىزدى مىقتى, قۋاتتى ەتە تٷسەتٸنٸنە سەنٸڭٸز. سول جاتتىعۋلاردان لەززات الىپ ٷيرەنسەڭٸز ساۋاپ. جىلدار ٶتە كەلە سول قاجىر-قايراتتىڭ تەككە كەتپەگەنٸن, سٸزدٸڭ مەنٸڭٸزدٸ ٶسٸرگەنٸنە كٶزٸڭٸز انىق جەتەدٸ.
جاتتىعۋعا قارسىلىق بٸلدٸرمەڭٸز.
اۋدارعان شىنار ەبٸلدە
