شومىلۋ ماۋسىمىندا تۋريستەردىڭ الاكولگە اعىلاتىنى بەلگىلى. دەمالۋعا كەلگەندەردىڭ قاۋىپسىزدىگىن قامتاماسىز ەتۋ ءۇشىن سالا ماماندارى قاۋىرت رەجيمدە جۇمىس ىستەۋدە. اتالعان ايماقتا ورنالاسقان قۇتقارۋشىلار مەن ءورت سوندىرۋشىلەر بەكەتى جاعدايدى باقىلاۋدا ۇستاۋدا. الاكولدى كۇنى-تۇنى كۇزەتەتىن 6 سۇڭگۋىر مەن 4 ءورت ءسوندىرۋشى ۇدايى كەزەكشىلىكتە.
ولاردىڭ نەگىزگى مىندەتى - كولگە جاقىن ورنالاسقان نىسانداردا سۋداعى قايعىلى جاعدايلاردىڭ الدىن-الۋ. جىل سايىن وسى ۋاقىتتا قۇتقارۋشىلار كۇشەيتىلگەن رەجيمدە جۇمىس ىستەيدى.
ولار ايماقتى پاترۋلدەۋدى قايىقپەن جۇرگىزەدى، ءوز كەزەگىندە ءورت سوندىرۋشىلەر تۋريستىك نىسانداردىڭ ءورت قاۋىپسىزدىگىن تۇراقتى مونيتورينگىلەپ وتىرادى.
الاكولگە كەلۋشىلەرگە قاۋىپسىزدىك شارالارى تۋرالى جادىنامالار تاراتىلادى.
قۇتقارۋشىلار بەكەتىندە جۇمىس جۇرگىزۋگە قاجەتتى قۇرال-جابدىق، سونىڭ ىشىندە سۇڭگۋىر كاستۇمدەر، جۇزۋگە ارنالعان ارنايى كيىمدەر جانە وزگە دە كەرەك-جابدىق بار.
جىل باسىنان بەرى الاكولدەگى قۇتقارۋشىلار 8 ادامدى، سونىڭ ىشىندە 4 بالانى اجالدان اراشالاپ قالعان. ال ءورت سوندىرۋشىلەر تاراپىنان دەمالىس ايماقتارىنىڭ قوجايىندارىنا ءورت قاۋىپسىزدىگىن قامتاماسىز ەتۋ باعىتىندا ءبىرقاتار ۇسىنىستار بەرىلگەن.
تۋريستەر اراسىندا سۋداعى قاۋىپسىزدىك ماسەلەسى جونىندە كەڭىنەن حابار بەرۋ ءۇشىن ايماقتىق توتەنشە جاعداي باسقارماسىنىڭ قۇتقارۋشىلار بەلسەندى جاستارمەن بىرلەسىپ، الاكولدە ارنايى اكسيا وتكىزگەن.
ايتا كەتەلىك، الاكولدە دەمالۋشىلار سانى جىل سايىن وسۋدە. بيىل مۇندا 12 مىڭعا جۋىق تۋريست كەلىپ ۇلگەرگەن. شامامەن 180-گە جۋىق دەمالىس ورىندارى بار.
ءيا، قايعىلى جاعدايلار دا ورىن الىپ تۇرادى.
“شومىلۋ ماۋسىمى باستالعالى 23 ادام سۋعا كەتتى، سونىڭ 5ء-ى بالالار. بۇل ستاتيستيكا شىنىمەن الاڭداتىپ وتىر. مۇندايعا جول بەرمەس ءۇشىن پاترۋلدەۋدى كۇشەيتۋ ۇستىندەمىز. ءازىر تۋريستەر كوپ شوعىرلانعان اۋماقتا ءجۇرىس-تۇرىس ەرەجەلەرى جايلى ستەندتەر ورناتىپ جاتىرمىز. حالىقتىڭ وسى تاراپتاعى ساۋاتىن اشپاي، قايعىلى جاعدايدىڭ الدىن-الۋ اۋىر”، – دەيدى قۇتقارۋشىلار.
ولاردىڭ ايتۋىنشا ەرەجە ساقتاۋدىڭ الگوريتمدەرىن مەڭگەرمەيىنشە، ازاماتتاردىڭ ءومىرىن امان الىپ قالۋ قيىنعا سوعادى. قاۋىپسىزدىك مادەنيەتىن مەڭگەرگەن تۋريستەر ورىنسىز تاۋەكەلگە بارمايدى.
قازىرگى كۇنى قۇتقارۋشىلار مەن بەلسەندىلەر تۋريستەرگە جاعاجايداعى دەمالىستى قالاي ءقاۋىپسىز وتكىزۋگە بولاتىنى تۋرالى اقپاراتتىق نۇسقاۋلار تاراتۋدا.
البەتتە بۇل تاراپتا دەمالىس بازالارىنىڭ يەلەرى دە جاۋاپتىلىق تانىتۋ قاجەت.
وبلىستىق توتەنشە جاعداي باسقارماسى بۇگىنگى تاڭدا كاسىبى تۋريزممەن تىكەلەي بايلانىستى 17 كاسىپكەرمەن كەلىسىمگە وتىرعان. سونىڭ اياسىندا جاعاجايداعى دەمالىستى ساۋاتتى ءارى ساپالى ۇيىمداستىرۋ، اتالعان اۋماقتا قۇتقارۋشىلاردىڭ مىندەتتى تۇردە بولۋى سەكىلدى تالاپتار ەنگىزىلگەن. قۇتقارۋشىلار جاعاجاي يەلەرىنە
تۋريستەردىڭ دەمالىسى جايلى بولۋ ءۇشىن ءبىرىنشى كەزەكتە قاۋىپسىزدىك شارالارىن قامتاماسىز ەتۋدە مىندەتتەۋدە.
