Shomylý maýsymynda týristerdiń Alakólge aǵylatyny belgili. Demalýǵa kelgenderdiń qaýipsizdigin qamtamasyz etý úshin sala mamandary qaýyrt rejimde jumys isteýde. Atalǵan aimaqta ornalasqan qutqarýshylar men órt sóndirýshiler beketi jaǵdaidy baqylaýda ustaýda. Alakóldi kúni-túni kúzetetin 6 súńgýir men 4 órt sóndirýshi udaiy kezekshilikte.
Olardyń negizgi mindeti - kólge jaqyn ornalasqan nysandarda sýdaǵy qaiǵyly jaǵdailardyń aldyn-alý. Jyl saiyn osy ýaqytta qutqarýshylar kúsheitilgen rejimde jumys isteidi.
Olar aimaqty patrýldeýdi qaiyqpen júrgizedi, óz kezeginde órt sóndirýshiler týristik nysandardyń órt qaýipsizdigin turaqty monitoringilep otyrady.
Alakólge kelýshilerge qaýipsizdik sharalary týraly jadynamalar taratylady.
Qutqarýshylar beketinde jumys júrgizýge qajetti qural-jabdyq, sonyń ishinde súńgýir kástúmder, júzýge arnalǵan arnaiy kiimder jáne ózge de kerek-jabdyq bar.
Jyl basynan beri Alakóldegi qutqarýshylar 8 adamdy, sonyń ishinde 4 balany ajaldan arashalap qalǵan. Al órt sóndirýshiler tarapynan demalys aimaqtarynyń qojaiyndaryna órt qaýipsizdigin qamtamasyz etý baǵytynda birqatar usynystar berilgen.
Týrister arasynda sýdaǵy qaýipsizdik máselesi jóninde keńinen habar berý úshin aimaqtyq Tótenshe jaǵdai basqarmasynyń qutqarýshylar belsendi jastarmen birlesip, Alakólde arnaiy aktsiia ótkizgen.
Aita ketelik, Alakólde demalýshylar sany jyl saiyn ósýde. Biyl munda 12 myńǵa jýyq týrist kelip úlgergen. Shamamen 180-ge jýyq demalys oryndary bar.
Iá, qaiǵyly jaǵdailar da oryn alyp turady.
“Shomylý maýsymy bastalǵaly 23 adam sýǵa ketti, sonyń 5-i balalar. Bul statistika shynymen alańdatyp otyr. Mundaiǵa jol bermes úshin patrýldeýdi kúsheitý ústindemiz. Ázir týrister kóp shoǵyrlanǵan aýmaqta júris-turys erejeleri jaily stendter ornatyp jatyrmyz. Halyqtyń osy taraptaǵy saýatyn ashpai, qaiǵyly jaǵdaidyń aldyn-alý aýyr”, – deidi qutqarýshylar.
Olardyń aitýynsha ereje saqtaýdyń algoritmderin meńgermeiinshe, azamattardyń ómirin aman alyp qalý qiynǵa soǵady. Qaýipsizdik mádenietin meńgergen týrister orynsyz táýekelge barmaidy.
Qazirgi kúni qutqarýshylar men belsendiler týristerge jaǵajaidaǵy demalysty qalai qaýipsiz ótkizýge bolatyny týraly aqparattyq nusqaýlar taratýda.
Álbette bul tarapta demalys bazalarynyń ieleri de jaýaptylyq tanytý qajet.
Oblystyq Tótenshe jaǵdai basqarmasy búgingi tańda kásibi týrizmmen tikelei bailanysty 17 kásipkermen kelisimge otyrǵan. Sonyń aiasynda jaǵajaidaǵy demalysty saýatty ári sapaly uiymdastyrý, atalǵan aýmaqta qutqarýshylardyń mindetti túrde bolýy sekildi talaptar engizilgen. Qutqarýshylar jaǵajai ielerine
týristerdiń demalysy jaily bolý úshin birinshi kezekte qaýipsizdik sharalaryn qamtamasyz etýde mindetteýde.
