5-شٸ دٷنيەجٷزٸلٸك كٶشپەندٸلەر ويىندارى قارساڭىندا قۇسبەگٸلەر اقمولا وبلىسىندا وقۋ-جاتتىعۋ جيىندارىن ٶتكٸزٸپ جاتىر.
قۇسبەگٸلٸك (ساياتشىلىق) فەدەراتسيياسىنىڭ اتقارۋشى ديرەكتورى بازاربەك كٷنتۋعاننىڭ ايتۋىنشا ەلٸمٸزدٸڭ ٷزدٸك قۇسبەگٸلەرٸ كٶشپەندٸلەر ويىندارىنا دەگەن دايىندىقتارىن قىزدىرا تٷسكەن.
«ششۋچينسك قالاسىندا تامىزدىڭ 12-سٸ مەن 25-سٸ ارالىعىندا ٶتەتٸن وقۋ-جاتتىعۋ جيىنىمىزدا 9 سپورتشى بٷركٸت, قارشىعا جەنە يتەلگٸ قۇستارىمەن جاتتىعىپ جاتىر. كەلەسٸ وقۋ-جاتتىعۋ جيىنىمىز استانا قالاسىندا, 27-شٸ تامىز بەن 7-شٸ قىركٷيەك ارالىعىندا بولادى», - دەپ اتاپ ٶتتٸ ب. كٷنتۋعان.
قۇسبەگٸلٸكتەن ۇلتتىق قۇراما مٷشەلەرٸ دايىندىق بارىسى جايىندا ايتىپ بەردٸ.
«5-شٸ دٷنيەجٷزٸلٸك كٶشپەندٸلەر ويىندارىنا دايىندالىپ جاتىرمىز. بار بٸلگەنٸمٸزدٸ, مٷمكٸنشٸلٸگٸمٸزدٸ پايدالانامىز. ەۋروپادان, موڭعولييا, قىرعىزستاننان مىقتى قارسىلاستار كەلەدٸ. ولار دا بارىن سالارى انىق», - دەيدٸ قۇسبەگٸلٸكتەن ۇلتتىق قۇراما مٷشەسٸ يبراگيم بازارباەۆ.
«ششۋچينسك قالاسىندا كٶشپەندٸلەر ويىندارىنا دايىندىق ٷستٸندەمٸز. قازٸر الداعى سايىستاعى ٷش سانات بويىنشا قاتىساتىن ٷش بٷركٸت, ٷش يتەلگٸ, ٷش قارشىعانى باپتاپ جاتىرمىز. ولار جاز بويى تٷلەكتە بولدى. ەندٸ ەتٸن تارتىپ, جىلدامدىققا دايىندايمىز. ال ٶزٸم دوداعا العىر اتتى بٷركٸتپەن قاتىسامىن», - دەپ اتاپ ٶتتٸ قۇسبەگٸلٸكتەن ۇلتتىق قۇراما مٷشەسٸ سەرٸكبەك كٷنتۋعانۇلى.
كٶشپەندٸلەر ويىندارى اياسىندا قۇسبەگٸلٸكتەن (ساياتشىلىقتان) بولاتىن سايىس قىركٷيەكتٸڭ 12-13 ارالىعىندا, ەتنواۋىل اۋماعىندا ٶتەدٸ.
ەسكە سالا كەتەيٸك, رەسپۋبليكالىق «قۇسبەگٸلٸك» فەدەراتسيياسى قازاقستان رەسپۋبليكاسى ۇلتتىق سپورت قاۋىمداستىعىنىڭ قۇرامىنا كٸرەدٸ. قاۋىمداستىق قۇرامىندا بۇدان ٶزگە «بەيگە», «ساداق اتۋ», «تەڭگە ٸلۋ», «اۋدارىسپاق», «جامبى اتۋ», «كٶكپار», «اسىق اتۋ», «JORYQ» ات سپورتى جەنە ت.ب. فەدەراتسييالار بار. قر ۇلتتىق سپورت قاۋىمداستىعىن يسلامبەك سالجانوۆ باسقارادى.
اتاپ ٶتەيٸك, 8-13 قىركٷيەكتە استانا قالاسىندا 5-شٸ دٷنيەجٷزٸلٸك كٶشپەندٸلەر ويىندارى ٶتەدٸ. ٸس-شاراعا 89 ەلدەن 2000-نان استام سپورتشى قاتىسادى دەپ جوسپارلانۋدا. 5-شٸ دٷنيەجٷزٸلٸك كٶشپەندٸلەر ويىندارىنىڭ باس دەمەۋشٸسٸ - ALAGEUM ELECTRIC, ويىنداردىڭ باس سەرٸكتەسٸ - Halyk Bank. استانادا ٶتەتٸن دٷنيەجٷزٸلٸك كٶشپەندٸلەر ويىندارىندا بارلىعى 21 سپورت تٷرٸنەن 97 مەدال جيىنتىعى ساراپقا سالىنادى.
