16 ماۋسىم كٷنٸ ەل تاريحىندا تۇڭعىش رەت ۇلت ورداسى – ۇلىتاۋدا ەلدٸڭ ەلەۋلٸ ازاماتتارىنىڭ باسىن قوسقان ۇلتتىق قۇرىلتاي ٶتكەنٸ بەلگٸلٸ. وسى ورايدا كەڭەس تٶراعاسى, مەجٸلٸس دەپۋتاتى امانجول ەلتاي قۇرىلتايدىڭ ماقساتى مەن مٸندەتٸنە توقتالدى.
– قۇرىلتاي – اتا-بابامىزدان كەلە جاتقان اسا ماڭىزدى شەشٸم قابىلدايتىن ۇلىق جيىن. ول – دالا دەموكراتيياسىنىڭ جارقىن كٶرٸنٸسٸ. بٸز اتا-بابا اماناتىن ارقالاپ, جولىن جالعاپ, كٶنە دەستٷردٸ جاڭعىرتتىق. ارادا عاسىرلار ٶتسە دە, ماقساتىمىز ورتاق – بٸرلٸكتٸ بەكەم ەتٸپ, القالى جيىندا ۇلتىمىزدىڭ بولاشاعىن ايقىندايتىن شەشٸمدەر قابىلداۋ, – دەدٸ ول.
ٶز كەزەگٸندە «ەگەمەن قازاقستان» اق باسقارماسىنىڭ تٶراعاسى, «AMANAT» پارتيياسى ساياسي بيۋروسىنىڭ مٷشەسٸ دارحان قىدىرەلٸ قۇرىلتايدى اشىق قوعامنىڭ تاعى بٸر كٶرٸنٸسٸ دەپ باعالاپ, ونىڭ ٶزگە كەڭەسۋ الاڭدارىنان ايىرماشىلىعىن كەڭٸنەن تارقاتىپ ايتتى.
– جاڭا قازاقستاننىڭ مٸندەتٸ – اشىق ازاماتتىق قوعام قۇرۋ, ەدٸلەتتٸ مەملەكەت ورناتۋ, دەموكراتييالىق ٷدەرٸستەردٸ جٷرگٸزۋ. ال قۇرىلتاي اشىق ازاماتتىق قوعامدى دامىتۋعا ٷلكەن ٷلەس قوسادى. مۇنداعى ايتىلعان پٸكٸرلەردٸڭ بارلىعى ەلدٸڭ مۇڭ-مۇقتاجىن, حالىقتىڭ تٸلەگٸن جەتكٸزۋٸ تيٸس. قۇرىلتاي – بۇل حالىقتىق قۇرىلىم. سوندىقتان ونى اشىق قوعامنىڭ تاعى بٸر كٶرٸنٸسٸ دەپ ايتۋعا بولادى. بٸزدە پارلامەنت, مەجٸلٸس, سەنات, اسسامبلەيا جەنە باسقا دا مٸنبەرلەر بار. بٸراق قۇرىلتاي حالىق ٶكٸلدەرٸنٸڭ اراسىنان جينالعاندىقتان, حالىقتىڭ سٶزٸن ايتاتىن بيٸك مٸنبەر بولادى دەپ سەنەمٸز, – دەدٸ دارحان قىدىرەلٸ.
ۇلتتىق قۇرىلتايدىڭ قۇرامىندا ەتنولوگ, گەوگراف, فيلوسوف, جاراتىلىستانۋشىلار بولۋى كەرەك دەپ ەسەپتەيدٸ فيلولوگييا عىلىمدارىنىڭ دوكتورى, پروفەسسور سەرٸك نەگيموۆ.
– ۇلىتاۋدا ٶتكەن قۇرىلتايعا حالىقتىڭ سٶزٸن سٶيلەيتٸن مەملەكەت جەنە ۇلت قايراتكەرلەرٸ ٶتە جاقسى ٸرٸكتەلٸپ الىنعان. بولاشاقتا ورىن الادى دەپ بولجانىپ وتىرعان سۋ, ازىق-تٷلٸك تاپشىلىعى, جەر مەسەلەلەرٸن ەسكەرە وتىرىپ, ەندٸگٸ قۇرىلتايدىڭ قۇرامىنا مامانداردى ەنگٸزۋ كەرەك. ەل تىنىشتىعى, تەرريتورييامىزدىڭ تۇتاستىعى, حالقىمىزدىڭ ەل-اۋقاتى سىندى ٶتە ٶزەكتٸ مەسەلەلەردٸڭ شەشٸلۋٸنە قۇرىلتاي سەبەپكەر بولۋى تيٸس, – دەدٸ عالىم.
العاشقى قۇرىلتايعا 117 ادام ٸرٸكتەلٸپ الىنعانى بەلگٸلٸ. دەگەنمەن, بۇل تٸزٸم اۋىسىپ تۇرادى. بەلسەندٸ, حالىق ٷشٸن, ەلدەگٸ ورتاق مەسەلەلەردٸ شەشۋ ٷشٸن ٷلەس قوسامىن دەگەن كەز كەلگەن قازاقستاندىق ازاماتتىڭ بولاشاقتا وسى كەڭەسكە قاتىسۋعا مٷمكٸندٸگٸ بار. بۇل تۋرالى «باس رەداكتورلار كلۋبى» رەسپۋبليكالىق قوعامدىق بٸرلەستٸگٸنٸڭ پرەزيدەنتٸ, ۇلتتىق قۇرىلتاي تٶراعاسىنىڭ ورىنباسارى بيبٸگٷل جەكسەنباي ايتتى.
ونىڭ ايتۋىنشا, قازٸر «قۇرىلتاي» دەپ اتالاتىن ارنايى موبيلدٸ قوسىمشا جاسالىپ جاتىر. ول كٷزدە ٸسكە قوسىلادى. موبيلدٸ قوسىمشا ارقىلى كەز كەلگەن ازامات ٶز ۇسىنىسىن قۇرىلتايعا جولداي الادى.
– قۇرىلتايدىڭ ۇلتتىق كەڭەستەن ارتىقشىلىعى مۇندا ايماقتارداعى كەڭەستەردٸڭ ٶكٸلدەرٸ قاتىسادى. جەرگٸلٸكتٸ جەرلەردەگٸ مەسەلەلەر دە تىس قالماۋى ٷشٸن ارنايى تەلەۆيزييالىق جوبا قولعا الىنادى. ول – «حابار» جەنە «Qazaqstan» تەلەارنالارىنىڭ ۇيىمداستىرۋىمەن ٶتەتٸن ٷلكەن باعدارلاما. ياعني, ۇلتتىق قۇرىلتاي مەسەلەلەردٸ جىلىنا بٸر رەت بولاتىن جيىندا تالقىلاپ قويماي, ٷزدٸكسٸز جۇمىس ٸستەيتٸن ٷلكەن الاڭ بولادى, – دەدٸ ب.جەكسەنباي.
ٶز كەزەگٸندە «حابار» اگەنتتٸگٸ» اق باسقارما تٶراعاسى بەرٸك ۋەلي تەلەارنادا «ۇلتتىق قۇرىلتاي» دەپ اتالاتىن ارنايى تەلەمارافون جەنە مەملەكەت باسشىسى ايتقان ەڭبەك ادامىنا قۇرمەتتٸ ناسيحاتتاۋ ٷشٸن ارنايى جوبالار دايىندالىپ جاتقانىن جەتكٸزدٸ.
سٷرەتتٸ تٷسٸرگەن ەلي عالىم
