– بۇگىنگى تاڭدا جۇمىس كۇشىنىڭ تاپشىلىعى قۇرىلىس سالاسىنا اسەر ەتتى. مەملەكەتتىك شەكارانىڭ جابىلۋى دا وعان ءىشىنارا اسەر ەتتى، ول شەتەلدىك جۇمىس كۇشىنىڭ توقتاپ قالۋىنا اكەلدى. قۇرىلىس كومپانيالارى 2021 جىلى تۇرعىن ءۇي قۇرىلىسىنىڭ جوسپارلانعان كولەمىنىڭ 2 ملن شارشى مەترگە، 17،2 ملن شارشى مەترگە دەيىن ۇلعايۋ جاعىنا قاراي وزگەرۋىن ەسكەرە وتىرىپ، جۇمىسشى كادرلارداعى تاپشىلىق تۋرالى ايتىپ وتىر، تەك تۇرعىن ءۇي قۇرىلىسىنا قوسىمشا 80 مىڭعا جۋىق ادام قاجەت. بۇل مەكتەپ، بالاباقشا، اۋرۋحانا سىندى نىساندارعا قاجەتتى كادرلار قاجەتتىگىن ەسكەرمەگەندە عانا. قاجەتتىلىكتىڭ 45%-ى نۇر-سۇلتان جانە الماتى قالالارىنا تيەسىلى بولىپ وتىر. وسىلايشا، ەكونوميكانى قالپىنا كەلتىرۋ ءبىرىنشى كەزەكتە نۇر-سۇلتان جانە الماتى قالالارىندا باستالادى، – دەدى ولجاس وردابايەۆ.
كلۋبتىڭ وتىرىسى سەنات ءتوراعاسى ماۋلەن اشىمبايەۆتىڭ ءتوراعالىق ەتۋىمەن ءوتتى جانە قازاقستان ەكونوميكاسىنىڭ پاندەميادان كەيىنگى كەزەڭدەگى ۇردىستەرىنە، مىندەتتەرى مەن كەلەشەگىنە ارنالدى.
– پاندەميا الەمدىك ەكونوميكا مەن قوعامدىق ءومىردى ۇيىمداستىرۋداعى بەلگىلى ءبىر پروسەستەردى جەدەلدەتتى. وسىلايشا، قاشىقتىقتان جۇمىس ىستەۋ، قاشىقتىقتان وقىتۋ، بيزنەستى سيفرلاندىرۋ، ينتەرنەت ارقىلى قىزمەتتەر ۇسىنۋ جانە تاۋارلار ساتىپ الۋ، رەسۋرستار مەن تۇتىنۋعا ۇقىپتى قاراۋ ءبىزدىڭ ءومىرىمىزدىڭ اجىراماس بولىگىنە اينالادى. پاندەميادان كەيىنگى كەزەڭدەگى دامۋ ستراتەگياسى وسى جانە باسقا دا ۇردىستەردى ەسكەرۋى ءتيىس. جالپى، ءبىلىم بەرۋ جۇيەسى پاندەميادان كەيىنگى كەزەڭدەگى دامۋ ستراتەگياسىنىڭ ماڭىزدى بولىگى رەتىندە قاراستىرىلۋى كەرەك، ويتكەنى ول ونەركاسىپ پەن وندىرىستىك سەكتوردى بىلىكتى كادرلارمەن قامتاماسىز ەتەدى، – دەدى سەنات ءتوراعاسى.
ماۋلەن اشىمبايەۆ تالقىلاۋدى قورىتىندىلاي كەلىپ، ساراپشىلار ايتقان ۇسىنىس-ۇسىنىمدار پارلامەنت جۇمىسىندا پايلانىلاتىنى جانە ۇلتتىق ەكونوميكا مينيسترلىگى نازارعا الاتىنىنا سەنىم ءبىلدىردى.
