سونىمەن قاتار، تامشىلاتىپ سۋارۋعا پايدالاناتىن قۇبىر سەحى جۇمىس ىستەيدى. سونداي-اق، شارۋاقوجالىق جىل سايىن 30 ميلليونعا دەيىن تابىس كوزىن تابۋدا. جوعارى دەڭگەيدەگى ەليتالىق ءشيتتى تۇقىمىن جىلىنا 430 تونناعا دەيىن جەتكىزىپ وتىر. قوجالىق يەسى 2018 جىلى 413 گەكتار جەرگە ءشيتتى ماقتا ونىمدەرىن ەگىپ جوعارى ءونىم العانىن ايتۋدا.
– الداعى ۋاقىتتا گەرمانيا مەملەكەتىندە ورنالاسقان «Textima Export Import GmbH» فيرماسىنان جالپى قۇنى 3 ميلليون اقش دوللار تۇراتىن ءجىپ يگەرۋ جابدىقتارىن اكەلىپ ورناتۋدى جوسپارلاپ وتىرمىن. شارۋا قوجالىقتا ارنايى تەحنيكالار تۇراتىن ورىن بار. بۇگىنگى تاڭدا 23 تراكتور، ونىڭ 4 متز – 1221 جانە 3 John Deere ماقتا جيناۋ كومباينى بار. قۇرعاق ءسۇت وڭدەيتىن ءوندىرىس سەحىنىڭ قۇرىلىس جۇمىستارى تولىعىمەن اياقتالدى. ءقازىر وعان قاجەتتى حالىقارالىق ستاندارتتارعا سايكەس كەلەتىن قوندىرعىلارمەن جابدىقتالۋ ۇستىندە. تاياۋ كۇندەرى ىسكە قوسىلاتىن بولادى، – دەدى «تۇران» شارۋا قوجالىعىنىڭ ءتوراعاسى حابيبۋللا ازيموۆ.
«تۇران» شارۋاقوجالىعى 50-60 جاس ارالىعىنداعى اۋىل تۇرعىندارىن جۇمىسپەن قامتىپ وتىر. بيىل قوجالىققا 170 باس اسىلتۇقىمدى سەممەنتال تۇقىمدى ءىرى قاراسىن ءوسىرۋدى قولعا العان. اۋىلدىڭ الەۋمەتتىك جاعدايىن، تۇرعىنداردىڭ تۇرمىسىن تۇزەۋ ءۇشىن جانە ءسۇت ونىمدەرىن ارتتىرۋ ماقساتىندا ءىقم-دى كاسىپكەر اۋىل تۇرعىندارىنا نەسيە جولىمەن كومەك بەرىلىپ جاتىر. ال، تۇرعىندار بولسا، مالدىڭ قۇنىن كاسىپكەرگە 3 جىلدىڭ ىشىندە ءسۇت ارقىلى وتەپ بەرەتىن بولادى.
تۇركىستان وبلىسى اكىمنىڭ باسپا ءسوز قىزمەتى
