"قازاقستان ارۋى – 2026" تيتۋلىنىڭ يەگەرٸ الينا ري پۋەرتو-ريكودا ٶتەتٸن "عالام ارۋى – 2026" حالىقارالىق بايقاۋىندا ەل نامىسىن قورعايدى. الماتىدا ٶتكەن باسپاسٶز مەسليحاتىندا ونىڭ دايىندىعى, ەلەۋمەتتٸك جوباسى جەنە قۇنى 5 ميلليون تەڭگەدەن اساتىن ۇلتتىق وبرازى تانىستىرىلدى, دەپ حابارلايدى dalanews.kz.
قازاقستاندىق ارۋ بايقاۋدا ٷزدٸك 30 قاتىسۋشىنىڭ قاتارىنا ەنۋدٸ كٶزدەپ وتىر. وسى ماقساتتا ول ساحنادا ٶزٸن تانىستىرۋ, ۇلتتىق كيٸم ەزٸرلەۋ جەنە ينكليۋزيياعا ارنالعان ەلەۋمەتتٸك جوبانى جٷزەگە اسىرۋ باعىتتارى بويىنشا دايىندالعان.
الينا ريدٸڭ ايتۋىنشا, بۇل بايقاۋ ول ٷشٸن قازاقستاندى ەلەمگە تانىتاتىن ماڭىزدى مٷمكٸندٸك.
"مەن وسى بايقاۋمەن بٸر جىل بويى ٶمٸر سٷرٸپ كەلەمٸن. جاقىندا “عالام ارۋى” ساحناسىندا قازاقستاننىڭ اتىنان شىعاتىنىما ەلٸ دە سەنە الار ەمەسپٸن. ماقساتىم – ەلٸمٸزدٸ لايىقتى تانىستىرىپ, بارشامىز ماقتان تۇتاتىن نەتيجەگە قول جەتكٸزۋ. قازٸر ەربٸر قازاقستاندىقتىڭ قولداۋى مەن ٷشٸن ەرەكشە ماڭىزدى", – دەدٸ ول.
ينكليۋزيۆتٸ بٸلٸمگە ارنالعان جوبا
بايقاۋعا دايىندىق اياسىندا الينا ري الماتىداعى Insight مەكتەبٸمەن بٸرلەسٸپ قايىرىمدىلىق جوباسىن قولعا العان. باستاما ەرەكشە بٸلٸم بەرۋ قاجەتتٸلٸكتەرٸ بار بالالاردى قولداۋعا جەنە ينكليۋزييا مەسەلەسٸنە قوعام نازارىن اۋدارۋعا باعىتتالعان.
جوبانىڭ نەگٸزگٸ ماقساتى – ەر بالانىڭ ەرەكشەلٸگٸنە قۇرمەتپەن قارايتىن, ونىڭ بٸلٸم الىپ, دامۋىنا جەنە ەلەۋەتٸن اشۋىنا مٷمكٸندٸك بەرەتٸن ورتا قالىپتاستىرۋ. الينا ري قوعامداعى تانىمالدىعىن ەلەۋمەتتٸك مەسەلەلەردٸ كٶتەرۋگە جەنە تەڭ مٷمكٸندٸكتەر قاعيداتىن ناسيحاتتاۋعا پايدالانعىسى كەلەتٸنٸن ايتتى.
ۇلتتىق وبرازعا 5 ميلليون تەڭگەدەن استام قارجى جۇمسالعان
باسپاسٶز مەسليحاتىندا قازاقستاندىق ارۋدىڭ حالىقارالىق بايقاۋدا كيەتٸن ۇلتتىق وبرازى دا كٶرسەتٸلدٸ. SV Muse برەندٸمەن بٸرلەسٸپ جاسالعان كوستيۋمنٸڭ قۇنى 5 ميلليون تەڭگەدەن اسادى, ال سالماعى شامامەن 30 كەلٸ.
وبرازدىڭ باستى ەرەكشەلٸگٸ – ارنايى مەحانيزمنٸڭ كٶمەگٸمەن ساحنادا اشىلاتىن الىپ قاناتتار. كيٸمنٸڭ كٶك جەنە التىن تٷستەرٸ قازاقستاننىڭ اشىق اسپانى مەن ۇلتتىق مەدەنيەتٸنٸڭ بايلىعىن بەينەلەيدٸ. كوستيۋمنٸڭ پٸشٸنٸ مەن سەندٸك بٶلشەكتەرٸ ارقىلى قازاق حالقىنىڭ دەستٷرٸ مەن مەدەني مۇراسىن كٶرسەتۋ كٶزدەلگەن.
كٶرەرمەندەردٸڭ داۋىسى نەتيجەگە ەسەر ەتەدٸ
قازٸر MU Fan قوسىمشاسىندا بايقاۋعا قاتىسۋشىلارعا داۋىس بەرۋ جٷرٸپ جاتىر. ۇيىمداستىرۋشىلاردىڭ ەرەجەسٸنە سەيكەس, داۋىس بەرۋ قورىتىندىسىندا العاشقى ٷش ورىنعا شىققان ارۋلار ٷزدٸك 30 قاتىسۋشىنىڭ قاتارىنا اۆتوماتتى تٷردە ٶتەدٸ.
باسپاسٶز مەسليحاتى ٶتٸپ جاتقان سەتتە الينا ري داۋىس بەرۋ قورىتىندىسى بويىنشا 12-ورىندا تۇرعان. ونىڭ ٷزدٸك 30 قاتىسۋشىنىڭ قاتارىنا ەنۋٸ قازاقستاندىقتاردىڭ بەلسەندٸلٸگٸنە تٸكەلەي بايلانىستى بولماق.
