جاپونيانىڭ Softbank كورپوراسياسى ونلاين ساتىلىم ارقىلى جاڭادان قۇراستىرعان روبوتتارىنىڭ ءبارىن ءبىر مينۋتتىڭ ىشىندە ساتىپ جىبەردى. جاڭا قۇلتەمىر ادامنىڭ ەموسياسىن ءدال تانيتىندىقتان، وعان قىزىعۋشىلار كوپ بولعان.

ادامنىڭ كوڭىل-كۇيىن ءدال باعامدايتىن اندرويد ەنگىزىلگەن روبوتتىڭ العاشقى مىڭ داناسى ءبىر مينۋتتىڭ ىشىندە ساتىلىپ كەتتى. ءبىر قۇلتەمىر 214 يەنگە (1،7 مىڭ دوللار) باعالانعان. عالامتور ارقىلى تاپسىرىس بەرگەن العاشقى ساتىپ الۋشىلار شىلدە اياعىنا دەيىن روبوتتارىنا يە بولادى دەپ كۇتىلۋدە. جاڭا قۇلتەمىردى قۇراستىرۋشىلار ونداعان داچيكتەر مەن كامەرا ادامنىڭ قۋانعانىن، قايعىرعانىن، قورىققانىن، ۋايىمداعانىن ءدال ايقىنداپ بەرەتىنىن العا تارتتى. بۇگىندە جاپون بيلىگى جاڭا قۇلتەمىر جاساپ، كۇندەلىكتى تۇرمىسقا، وندىرىسكە ەنگىزۋگە كۇش سالعان كورپوراسيالارعا قارجىلاي قولداۋ كورسەتىپ، ولاردىڭ جارتىلاي شىعىنىن وتەپ بەرۋدى مويىنا الىپ وتىرعان بىردەن-بىر ەل. وسىلايشا ولار جۇمىس كۇشىنىڭ جەتىسپەۋشىلىگىن روبوتتاردىڭ كومەگىمەن شەشۋگە كۇش سالۋدا. ءبىزدىڭ بۇل سوزىمىزگە ۇستىمىزدەگى جىلدىڭ ءساۋىر ايىندا Softbank كورپوراسياسى قۇراستىرعان قۇلتەمىر The Bank of Tokyo بانكىنىڭ مەنەدجەرى قىزمەتىن اتقارا باستاعانى ايقىن دالەل بولادى.