قۇزىرلى ورگاندار تيمۋر قۇلىبايەۆتىڭ شەتەلدەگى اكتيۆتەرىن قايتارۋمەن اينالىسىپ جاتىر. بۇل تۋرالى ءماجىلىس دەپۋتاتى ەرمۇرات باپي ايتتى، - دەپ حابارلايدى Dalanews.kz.
"شىنىمدى ايتسام، اكتيۆتەردى قانداي ادىسپەن قايتارىپ جاتقانىنان بەيحابارمىن. ەكىنشىدەن، دەپۋتات رەتىندە پرەزيدەنت جۇرگىزىپ وتىرعان ساياساتقا زيان كەلتىرۋىم مۇمكىن. اڭگىمە ەسكى قازاقستان وكىلدەرىنىڭ جان-جاعىنداعى ادامدارعا، ياعني نۇرسۇلتان نازاربايەۆقا قاتىستى بولسا، پرەزيدەنت توقايەۆ پەن ەكس-پرەزيدەنت اراسىندا كەيبىر نيۋانستار، كەلىسىمدەر بولعان شىعار. نازاربايەۆ مىرزا 2019 جىلى 19 ناۋرىزدا كەتكەن كەزدە سول كەزدە ءبىر كەلىسىمدەر بولعان شىعار. ونىڭ ۇستىنە رەسەيدىڭ، ءپۋتينننىڭ ىقپالىن دا ەسكەرۋ كەرەك"، - دەيدى ەرمۇرات باپي Elmedia-عا بەرگەن سۇحباتىندا.
سونىمەن قاتار، ەرمۇرات باپي باس پروكۋرور بەرىك اسىلوۆتىڭ وتستاۆكاعا كەتۋ نە كەتپەۋى تۋرالى ويىن ايتتى.
"باس پروكۋروردى وتستاۆكاعا جىبەرۋ نەمەسە تاعايىنداۋ پرەزيدەنتتىڭ قۇزىرىندا. ءتىپتى پارلامەنت باس پروكۋروردى تاعايىنداۋعا ارالاسپايدى. سوندىقتان ەل پرەزيدەنتى باتىل ارەكەت ەتۋى كەرەك. ەڭ ماڭىزدى ساياسي شەشىم بولۋى كەرەك. ال باس پروكۋروردىڭ جۇمىسىنا ايتىلار سىن كوپ. مەندە باس پروكۋراتۋرا تاراپىنان جاريالاۋعا جاتپايتىن ىستەر بار دەگەن اقپارات بار. ءبىراق اكتيۆتەردى قايتارۋ بويىنشا كوميتەت باس پروكۋرورعا باعىناتىندىقتان قوعام تاراپىنان سىن باس پروكۋرورعا ايتىلادى. دەپۋتاتتار اكتيۆتەردى قايتارۋ تۋرالى زاڭنىڭ باسى-قاسىندا جۇرگەندىكتەن، ول زاڭنىڭ ورىندالۋىن دا قاداعالاۋ كەرەكپىز. ءتىپتى باس پروكۋراتۋرادان ەسەپ سۇراۋىمىز كەرەك. ءبىراق ارتىق اقپارات جوق، ءبارى جاسىرىن ىستەلىپ جاتىر. اكتيۆتەردى قايتارۋعا كىم ءوز ەركىمەن كەلىستى؟ قانشا اكتيۆ قايتارىلدى؟ مۇنىڭ ءبارى حالىقتان جاسىرىن ۇستالىپ وتىر"، - دەيدى دەپۋتات.
ەسكە سالايىق، بۇعان دەيىن دەپۋتات ەرمۇرات باپي تيمۋر قۇلىبايەۆقا تىقىر تايانعانىن ايتقان بولاتىن. باپي Halyk Bank-تەن "المەكس" حولدينگتىك توبى" اق پايداسىنا 200 ميلليارد تەڭگە ديۆيدەند تولەۋ تيمۋر قۇلىبايەۆ پەن ونىڭ ايەلى ءارى ەكس-پرەزيدەنت نۇرسۇلتان نازاربايەۆتىڭ قىزى دينارا قۇلىبايەۆا ءۇشىن قازاقستاننان اكتيۆ شىعارۋدىڭ ءبىر ءتاسىلى بولۋى مۇمكىن ەكەنىن ايتتى. سونىمەن قاتار، ول ءقازىردىڭ وزىندە ءتيىستى ورگاندار ميللياردەرمەن اينالىسىپ جاتقانىن مالىمدەدى.
"دۇرىس ايتاسىز (قۇلىبايەۆ قازاقستاننان ديۆيدەندتەر تۇرىندە 200 ميلليارد تەڭگەگە جۋىق اكتيۆ شىعارۋى مۇمكىن ەكەنىن - ەسك). جالپى "حالىق بانك" ماسەلەسى مەملەكەتتىك دەڭگەيدە شەشىلۋى كەرەك دەپ ويلايمىن. ... سوندىقتان، مەنىڭ ويىمشا، "حالىق بانك" اكتيۆتەردى قايتارۋ تۋرالى زاڭ نەگىزىندە تەكسەرىستەن ءوتۋى كەرەك.
مەندە ءقازىر ءتيىستى ورگاندار تيمۋر قۇلىبايەۆقا قاتىستى جاسىرىن تەكسەرىس جۇرگىزىپ جاتقانى تۋرالى اقپارات بار. قۇداي قالاسا، بۇل ورگاندار وسى ءىستى سوڭىنا دەيىن جەتكىزەدى دەپ ويلايمىن. سول كەزدە بىلەمىز"، - دەدى باپي قازتاگ-قا ءماجىلىس كۋلۋارىندا.
ونىڭ پايىمداۋىنشا، "حالىق بانك" ديۆيدەندتەر تولەۋ تۋرالى حابارلامانى جاريالاعان ۋاقىت بەكەر تاڭدالماعان.
"ەلدە سۋ تاسقىنى بولىپ جاتقان كەزدە كوپ قاراجات قالپىنا كەلتىرۋگە، شىعىندارعا، ۇيلەر سالۋعا كەتەدى. ساراپشىلاردىڭ كەيبىر ەسەپتەۋلەرى بويىنشا شامامەن 700-800 ميلليارد تەڭگە كەتەدى. شامامەن. ال سونداي ساتتە "المەكس" توبىنان ەكى ادام ەلدەن شامامەن 200 ميلليارد تەڭگە شىعارادى. ...بۇل ادەيى جاسالىپ جاتقان سياقتى"، - دەدى ول.
دەپۋتات بۇل كەك ماسەلەسى ەكەنىن دە ايتتى.
Halyk Bank 277 ميلليارد تەڭگەدەن اسا ديۆيدەند تولەۋگە شەشىم قابىلداعان ەدى. ونىڭ شامامەن 193 ميلليارد تەڭگەسىن تيمۋر قۇلىبايەۆ پەن ونىڭ جۇبايى – ەكس-پرەزيدەنت نۇرسۇلتان نازاربايەۆتىڭ قىزى دينارا قۇلىبايەۆا باسقاراتىن “ALMEX Holding Group” اق الادى.
2024 جىلعى 1 ساۋىردەگى جاعداي بويىنشا حالىق بانكىنىڭ جاي اكسيالارىنىڭ 69،52 پايىزى "المەكس" حولدينگتىك توبىنا تيەسىلى. وسىلايشا قۇلىبايەۆتار كومپانياسى 192،8 ميلليارد تەڭگە ديۆيدەند الادى.
