Quzyrly organdar Timýr Qulybaevtyń sheteldegi aktivterin qaitarýmen ainalysyp jatyr. Bul týraly májilis depýtaty Ermurat Bapi aitty, - dep habarlaidy Dalanews.kz.
"Shynymdy aitsam, aktivterdi qandai ádispen qaitaryp jatqanynan beihabarmyn. Ekinshiden, depýtat retinde prezident júrgizip otyrǵan saiasatqa ziian keltirýim múmkin. Áńgime eski Qazaqstan ókilderiniń jan-jaǵyndaǵy adamdarǵa, iaǵni Nursultan Nazarbaevqa qatysty bolsa, prezident Toqaev pen eks-prezident arasynda keibir niýanstar, kelisimder bolǵan shyǵar. Nazarbaev myrza 2019 jyly 19 naýryzda ketken kezde sol kezde bir kelisimder bolǵan shyǵar. Onyń ústine Reseidiń, Pýtinnniń yqpalyn da eskerý kerek", - deidi Ermurat Bapi Elmedia-ǵa bergen suhbatynda.
Sonymen qatar, Ermurat Bapi bas prokýror Berik Asylovtyń otstavkaǵa ketý ne ketpeýi týraly oiyn aitty.
"Bas prokýrordy otstavkaǵa jiberý nemese taǵaiyndaý prezidenttiń quzyrynda. Tipti parlament bas prokýrordy taǵaiyndaýǵa aralaspaidy. Sondyqtan el prezidenti batyl áreket etýi kerek. Eń mańyzdy saiasi sheshim bolýy kerek. Al Bas prokýrordyń jumysyna aitylar syn kóp. Mende bas prokýratýra tarapynan jariialaýǵa jatpaityn ister bar degen aqparat bar. Biraq aktivterdi qaitarý boiynsha komitet bas prokýrorǵa baǵynatyndyqtan qoǵam tarapynan syn bas prokýrorǵa aitylady. Depýtattar aktivterdi qaitarý týraly zańnyń basy-qasynda júrgendikten, ol zańnyń oryndalýyn da qadaǵalaý kerekpiz. Tipti bas prokýratýradan esep suraýymyz kerek. Biraq artyq aqparat joq, bári jasyryn istelip jatyr. Aktivterdi qaitarýǵa kim óz erkimen kelisti? Qansha aktiv qaitaryldy? Munyń bári halyqtan jasyryn ustalyp otyr", - deidi depýtat.
Eske salaiyq, buǵan deiin depýtat Ermurat Bapi Timýr Qulybaevqa tyqyr taianǵanyn aitqan bolatyn. Bapi Halyk Bank-ten "ALMEKS" Holdingtik toby" AQ paidasyna 200 milliard teńge dividend tóleý Timýr Qulybaev pen onyń áieli ári eks-prezident Nursultan Nazarbaevtyń qyzy Dinara Qulybaeva úshin Qazaqstannan aktiv shyǵarýdyń bir tásili bolýy múmkin ekenin aitty. Sonymen qatar, ol qazirdiń ózinde tiisti organdar milliardermen ainalysyp jatqanyn málimdedi.
"Durys aitasyz (Qulybaev Qazaqstannan dividendter túrinde 200 milliard teńgege jýyq aktiv shyǵarýy múmkin ekenin - esk). Jalpy "Halyq bank" máselesi memlekettik deńgeide sheshilýi kerek dep oilaimyn. ... Sondyqtan, meniń oiymsha, "Halyq bank" aktivterdi qaitarý týraly zań negizinde tekseristen ótýi kerek.
Mende qazir tiisti organdar Timýr Qulybaevqa qatysty jasyryn tekseris júrgizip jatqany týraly aqparat bar. Qudai qalasa, bul organdar osy isti sońyna deiin jetkizedi dep oilaimyn. Sol kezde bilemiz", - dedi Bapi QazTAG-qa Májilis kýlýarynda.
Onyń paiymdaýynsha, "Halyq bank" dividendter tóleý týraly habarlamany jariialaǵan ýaqyt beker tańdalmaǵan.
"Elde sý tasqyny bolyp jatqan kezde kóp qarajat qalpyna keltirýge, shyǵyndarǵa, úiler salýǵa ketedi. Sarapshylardyń keibir esepteýleri boiynsha shamamen 700-800 milliard teńge ketedi. Shamamen. Al sondai sátte "ALMEKS" tobynan eki adam elden shamamen 200 milliard teńge shyǵarady. ...Bul ádeii jasalyp jatqan siiaqty", - dedi ol.
Depýtat bul kek máselesi ekenin de aitty.
Halyk Bank 277 milliard teńgeden asa dividend tóleýge sheshim qabyldaǵan edi. Onyń shamamen 193 milliard teńgesin Timýr Qulybaev pen onyń jubaiy – eks-prezident Nursultan Nazarbaevtyń qyzy Dinara Qulybaeva basqaratyn “ALMEX Holding Group” AQ alady.
2024 jylǵy 1 sáýirdegi jaǵdai boiynsha Halyq bankiniń jai aktsiialarynyń 69,52 paiyzy "ALMEKS" holdingtik tobyna tiesili. Osylaisha Qulybaevtar kompaniiasy 192,8 milliard teńge dividend alady.
