قۇلىبايەۆتىڭ وليمپيادا كوميتەتىندەگى ورنىن گولوۆكين باسادى دەگەن سىبىس تارادى

ساعىنىش سارداروۆا 05 اقپ. 2024 13:22 4308


جەلىدە ۇلتتىق وليمپيادا كوميتەتىنە باسشىلىق قىزمەتكە گەنناديي گولوۆكين كەلەدى دەگەن اقپارات تارادى، - دەپ حابارلايدى Dalanews.kz.


بۇل تۋرالى ساياساتتانۋشى، ساراپشى ەربول ەدىلوۆ تەلەگرام ارناسىندا ايتتى.



"كەيبىر دەرەكتەرگە سۇيەنسەك، گەنناديي گولوۆكين قازاقستان رەسپۋبليكاسىنىڭ ۇلتتىق وليمپيادا كوميتەتىن باسقارادى دەپ كۇتىلىپ وتىر"، - دەيدى ەدىلوۆ.



وسىلايشا گولوۆكين قۇلىبايەۆتىڭ ورنىن باسۋى مۇمكىن.


ايتا كەتەيىك، بۇعان دەيىن جەلىدە ەكس-پرەزيدەنت نۇرسۇلتان نازاربايەۆتىڭ كۇيەۋبالاسى تيمۋر قۇلىبايەۆ ۇلتتىق وليمپيادا كوميتەتى ءتوراعاسى قىزمەتىنەن كەتەدى دەگەن اقپارات تاراعان بولاتىن. بۇل تۋرالى "چەمودان گوسسەكرەتوۆ" تەلەگرام ارناسىندا جازىلعان.


تەلەگرام ارنا مالىمەتىنشە، بۇل توكيو مەن ازيادا وليمپياداسىنداعى ساتسىزدىكتەرگە بايلانىستى.



"قۇلىبايەۆ سپورتتان قول ءۇزدى، سونداي-اق، ۇيىمنىڭ قىزمەتىن قارجىلاندىرعىسى كەلمەدى دەپ ايىپتالىپ وتىر. ول تولىقتاي رەسپۋبليكالىق بيۋدجەتكە سۇيەنىپ الدى"، - دەلىنگەن جازبادا.



سونىمەن قاتار، جازبادا كەڭەس راقىشيەۆ تە بوكس فەدەراسياسىنىڭ باسشىسى قىزمەتىنەن كەتەتىنى ايتىلعان بولاتىن. ال بۇگىن بولجام ءدال كەلىپ، راقىشيەۆ قىزمەتىنەن كەتىپ، ورنىنا شاحمۇرات ءمۇتالىپ تاعايىندالدى.



ۇسىنىلعان
سوڭعى جاڭالىقتار
x