سونىڭ ٸشٸندە مەسٸموۆ قابىلداتقان زاڭداردىڭ مۇرتى بۇزىلماي تۇر. سونىڭ بٸرٸ - «ەلەۋمەتتٸك-كەسٸپكەرلٸك كورپوراتسييالار تۋرالى» زاڭ.
"ەلەۋمەتتٸك-كەسٸپكەرلٸك كورپوراتسييا - ونىڭ جالعىز قۇرىلتايشىسى قازاقستان ٷكٸمەتٸ بولىپ تابىلاتىن اكتسيونەرلٸك قوعامنىڭ ۇيىمدىق-قۇقىقتىق نىسانىندا قۇرىلعان زاڭدى تۇلعا.
ونى 2008 جىلعى 30 ماۋسىمداعى №660 قاۋلىسى ارقىلى سول كەزدەگٸ پرەمەر-مينيستر ك. مەسٸموۆتٸڭ قابىلداتقانى اتالعان «ەلەۋمەتتٸك-كەسٸپكەرلٸك كورپوراتسييالار تۋرالى» زاڭىنىڭ باسىندا جازۋلى تۇر.
اۋىل ازاماتتارى كووپەراتيۆ قۇرىپ, ٷكٸمەت بٶلگەن قاراجاتتىڭ يگٸلٸگٸن كٶرەيٸن دەسە, ول كووپەراتيۆتٸڭ قۇرامىنا وسى ەلەۋمەتتٸك-كەسٸپكەرلٸك كورپوراتسييا كٸرەدٸ دە, 49 پايىزعا دەيٸنگٸ ٷلەسكە يە بولا كەتەدٸ. وعان وسى زاڭىنىڭ 14-بابىنىڭ 2-تارماعى جول بەرەدٸ.
سٶيتٸپ, ٷكٸمەت اۋىل شارۋاشىلىعىن ٶركەندەتۋ ٷشٸن وڭ قولىمەن بەرگەن قاراجاتىن ەلەۋمەتتٸك-كەسٸپكەرلٸك كورپوراتسييا ارقىلى سول قولىمەن قايتارىپ الۋدا", – دەيدٸ اۋىت مۇقيبەك.
ونىڭ ايتۋىنشا ەليحان سمايىلوۆ بۇل زاڭنىڭ كەزٸندە قانداي ماقساتپەن قابىلدانعانىن بٸلمەيدٸ ەمەس. بٸلە تۇرا, جەمقورلىققا داڭعىل جول اشىپ قويعان وسى زاڭدى جويۋعا نەمەسە ٶزگەرتۋگە قۇلىقسىز. ٶزگەرتۋ بىلاي تۇرسىن, حالىقتىڭ تابىسىن ارتتىرۋ ماقساتىندا توقاەۆ تاپسىرماسىمەن جامبىل وبلىسىندا جولعا قويىلعان پيلوتتىق جوبا دەل وسى زاڭعا سٷيەنٸپ جٷرگٸزٸلۋدە.
"دەمەك, «ەلەۋمەتتٸك-كەسٸپكەرلٸك كورپوراتسييالار تۋرالى» زاڭ سمايىلوۆتىڭ قولايىنا جاقتى دەگەن سٶز", - دەيدٸ قوعام بەلسەندٸسٸ.
ايتا كەتەلٸك, بۇعان دەيٸن مەجٸلٸس دەپۋتاتى رينات زايىتوۆ پرەزيدەنت تاپسىرمالارى ارى كەتسە, 30-40 پايىزعا عانا ورىندالىپ جاتقانىن ايتقان.
"ەگەر, ونىڭ سٶزٸ شىن بولسا, وندا وعان كەزٸندە تيمۋر قۇلىباەۆ پەن كەرٸم مەسٸموۆتٸڭ ىقپالىمەن جوباسى جاسالىپ, بۇرىنعى پارلامەنت دەپۋتاتتارى بەكٸتٸپ بەرگەن, قازٸر دە بٸر ەرپٸ ٶزگەرمەي قولدانىستا تۇرعان وسى «ەلەۋمەتتٸك-كەسٸپكەرلٸك كورپوراتسييالار تۋرالى» زاڭ جەنە وسى سەكٸلدٸ ەسكٸ نورماتيۆتٸك قۇجاتتار كەدەرگٸ جاساپ وتىر.
توقاەۆ ەلٸمٸزدٸڭ ەكونوميكالىق دامۋ مەسەلەلەرٸ جٶنٸندەگٸ ٷكٸمەت كەڭەسٸندە سٶيلەگەن سٶزٸندە, 2019-2021 جىلدارى ٶنٸم ٶڭدەۋگە بەرٸلگەن سۋبسيدييانى سىنعا سالعان.
"بۇل قاراجاتتىڭ تەڭ جارتىسى سۋبسيدييا الام دەۋشٸلەردٸڭ 10 پايىزىنىڭ عانا قولىنا تيگەن. سۋبسيدييا العان كەيبٸر پىسىقايلار ٶندٸرٸستٸ ٶركەندەتۋدٸڭ ورنىنا بيۋدجەت قارجىسىن قالتاسىنا باسىپ, شالقىپ ٶمٸر سٷرگەن. ال قاراپايىم شارۋالار ٷشٸن سۋبسيدييا الۋ – قييامەتتٸڭ قيىنى» - دەگەن ەدٸ پرەزيدەنت.
وسى كەلەڭسٸزدٸكتٸ تۋدىرىپ وتىرعان دا سول باياعى «ەلەۋمەتتٸك-كەسٸپكەرلٸك كورپوراتسييالار تۋرالى» زاڭ", – دەيدٸ اۋىت مۇقيبەك.
بەلسەندٸنٸڭ پٸكٸرٸنشە شەتكە زاڭسىز شىعارىلعان اقشاعا پارا-پار مەملەكەت قاراجاتى (دٸتتەگەن جەرٸنە جەتپەي) كٶز الدىمىزدا تونالىپ جاتىر.
"ونى شەشۋدٸڭ بٸردەن-بٸر جولى – جامبىلدا جولعا قويىلعان اۋىل شارۋاشىلىعى كووپەراتيۆتەرٸنە بەرٸلەتٸن ٶسٸمٸ 2.5 پايىزدىق نەسيە سەكٸلدٸ جەڭٸلدەتٸلگەن كٶمەك اقشالاردى كٸمدەرگە بەرۋدٸ ەلەۋمەتتٸك-كەسٸپكەرلٸك كورپوراتسييا ارقىلى ەمەس, اۋىلدىق وكرۋگ ەكٸمدەرٸ مەن الدا حالىقتىق سايلاۋ ارقىلى قۇرىلاتىن اۋىلدىق كەڭەستٸڭ بەكٸتۋٸ ارقىلى شەشٸلۋٸ تيٸس.
قىسقاسى, ەلەۋمەتتٸك-كەسٸپكەرلٸك كورپوراتسييالاردىڭ قىزمەتٸن اۋىلدىق وكرۋگ ەكٸمدەرٸ مەن الدا حالىقتىق سايلاۋ ارقىلى قۇرىلاتىن اۋىلدىق كەڭەستٸڭ قۇزارەتٸنە بەرگەن دۇرىس. وسى جولعى جولداۋدا وسى مەسەلە ەسكەرٸلەر دەپ ٷمٸتتەنگەن ەدٸم. ٶكٸنٸشكە وراي, ٷمٸتٸم اقتالمادى. ۇسىنىسىمنىڭ توقاەۆقا جەتپەگەنٸ بەلگٸلٸ بولدى.
دەمەك, پرەزيدەنت ەكٸمشٸلٸگٸ مەن ٷكٸمەتتٸڭ قۇلىباەۆ پەن مەسٸموۆ قۇرعان جەمقورلىق سحەماسىن بۇزۋعا قۇلقى جوق دەگەن سٶز", – دەيدٸ.
