ايەلىن ولتىرگەنى ءۇشىن 24 جىلعا قاماۋعا الىنعان قۋاندىق بيشىمبايەۆ ەڭ جوعارى قاۋىپسىزدىك مەكەمەسىندە جازاسىن وتەپ جاتىر، - دەپ حابارلايدى Dalanews.kz.

CMN.KZ مالىمەتىنشە، بيشىمبايەۆ ازىرگە جۇمىسقا ورنالاسپاعان. بۇل تۋرالى قىلمىستىق اتقارۋ جۇيەسى كوميتەتىندەگىلەر رەداكسيانىڭ رەسمي ساۋالىنا بەرگەن جاۋابىندا ايتقان. 

كولونيادا ۇلتتىق ەكونوميكانىڭ ەكس-ءمينيسترى ءۇشىن قولايلى بوس ورىن ءالى بوس ەمەس.

"بوس جۇمىس ورىندارىنىڭ بولماۋىنا بايلانىستى قۋاندىق بيشىمبايەۆ جۇمىسقا تۇرماعان. سوتتالعان ادامنىڭ كۇن ءتارتىبى قاج مەكەمەلەرىنىڭ ىشكى ءتارتىپ ەرەجەلەرىنىڭ جانە قولدانىستاعى قىلمىستىق-اتقارۋ زاڭناماسىنىڭ تالاپتارىنا سايكەس ساقتالادى"، - دەپ حابارلادى ۆەدومستۆو وكىلدەرى. 

ەسكە سالايىق، بۇعان دەيىن ىشكى ىستەر مينيسترلىگى ەكس-مينيستر قۋاندىق بيشىمبايەۆ كولونيادا قانداي جۇمىس ىستەي الاتىنىن ايتقان بولاتىن.

بۇل تۋرالى ءىىم قىلمىستىق-اتقارۋ جۇيەسى كوميتەتىنىڭ ءتوراعاسى، ادىلەت پولكوۆنيگى تەڭىزجان جانىبەكوۆ ايتتى. 

"ونىڭ جۇمىس ىستەۋىنە قاتىستى: وندىرىستىك ايماقتاردا ءتۇرلى جۇمىس بار. ول "ەڭبەك" رەسپۋبليكالىق مەملەكەتتىك كاسىپورىندا مىسالى اعاش، مەتالل وڭدەۋ سالاسىنا جۇمىسقا ورنالاسا الادى. قاي جەردە بوس ورىن بولسا سول جەرگە بارا الادى.  

بۇل ماسەلەنى جۇمىسپەن قامتۋ ءبولىمى شەشەدى، كەلگەننەن كەيىن 15 كۇن كارانتيندە بولادى. ءبىز ونى زەرتتەيمىز، ودان ءارى تاربيە جۇمىسى جۇرگىزىلەدى. پسيحولوگتار باسقا تۇتقىندارمەن جۇمىس ىستەگەندەي بيشىمبايەۆ پەن دە جۇمىس ىستەيدى"، - دەيدى جانىبەكوۆ. 

26 ماۋسىمدا قۋاندىق بيشىمبايەۆ پەن باقىتجان بايجانوۆقا قاتىستى قىلمىستىق ءىستىڭ اپەللياسيالىق سوت وتىرىسى بولعان ەدى. الايدا ولاردىڭ اپەللياسيالىق ءوتىنىشى قاناعاتتاندىرىلمادى.

قۋاندىق بيشىمبايەۆ 24 جىلعا، ءىنىسى باقىتجان بايجانوۆ 4 جىلعا سوتتالعان بولاتىن.