«قازاقستان تەمٸر جولى» ۇلتتىق كومپانيياسىنىڭ قارىزى 3,9 ترلن تەڭگەگە جەتٸپ, بٸرقاتار نەسيەلٸك كٶرسەتكٸشتەر بويىنشا بەلگٸلەنگەن شەكتەن استى, دەپ حابارلايدى dalanews.kz.
كومپانييانىڭ قارجىلىق ەسەبٸنە سەيكەس, قتج-نىڭ HSBC بانكٸنەن العان نەسيەلەرٸ بويىنشا بورىشتىق جٷكتەمە كوەففيتسيەنتٸ 1,18-گە جەتكەن. ال كەلٸسٸمشارتتا رۇقسات ەتٸلگەن ەڭ جوعارى دەڭگەي – 1,15. الايدا HSBC بۇل كٶرسەتكٸشتٸڭ ۋاقىتشا ارتىپ كەتۋٸن نەسيەلٸك مٸندەتتەمەلەردٸ بۇزۋ رەتٸندە ەسەپتەمەۋگە كەلٸسكەن. بانكتٸڭ بۇل شەشٸمٸ 2026 جىلعى 30 قاراشاعا دەيٸن كٷشٸندە بولادى.
جىل باسىنان بەرٸ قتج-نىڭ نەسيەلەرٸ مەن شىعارعان وبليگاتسييالارىنىڭ جالپى كٶلەمٸ 22%-عا ٶسٸپ, 3,9 ترلن تەڭگەنٸ قۇراعان. التى اي ٸشٸندە كومپانييا 1,09 ترلن تەڭگە كٶلەمٸندە قوسىمشا قارجى تارتقان.
سونىمەن قاتار قارجىلاندىرۋعا جۇمسالاتىن شىعىندار دا ايتارلىقتاي ارتقان. بيىلعى العاشقى جارتىجىلدىقتا بۇل كٶرسەتكٸش 38%-عا ٶسٸپ, 164,9 ملرد تەڭگەگە جەتتٸ.
ەسەپتٸ كەزەڭدە كومپانييانىڭ تازا پايداسى 191 ملرد تەڭگەنٸ قۇراپ, ٶتكەن جىلمەن سالىستىرعاندا 2,2 ەسە كٶبەيگەن. دەگەنمەن بۇل ٶسٸمنٸڭ ەدەۋٸر بٶلٸگٸ تەڭگە باعامىنىڭ ٶزگەرۋٸنەن قالىپتاسقان. بيىل قتج ۆاليۋتا باعامىنىڭ اۋىتقۋىنان 99,7 ملرد تەڭگە كٶلەمٸندە تابىس تاپسا, ٶتكەن جىلدىڭ وسى كەزەڭٸندە 77 ملرد تەڭگە شىعىنعا ۇشىراعان بولاتىن.
قارجىلىق ەسەپتە كومپانييانىڭ قىسقا مەرزٸمدٸ مٸندەتتەمەلەرٸ اينالىمداعى اكتيۆتەرٸنەن 923,2 ملرد تەڭگەگە ارتىق ەكەنٸ كٶرسەتٸلگەن. سونداي-اق الداعى بٸر جىل ٸشٸندە قتج 562 ملرد تەڭگە كٶلەمٸندەگٸ قارىزىن ٶتەۋٸ تيٸس.
