ق.قاسىموۆ: «قىلمىسكەردٸڭ ماقساتى پوليتسييادان كەك الۋ بولعان»
مينيستر الدىمەن, قازا تاپقان ازاماتتاردىڭ تۋعان-تۋىستارىنا قايعىرىپ كٶڭٸل ايتىپ, كەيٸن قاندى وقيعانىڭ قالاي ٶربٸگەنٸن بايانداپ بەردٸ.
– 1990 جىلى تۋعان رۋسلان كۋليكباەۆ بۇعان دەيٸن ەكٸ رەت سوتتالعان. 2010 جىلى توناۋشىلىق ەرەكەت جاساعانى ٷشٸن, ال 2012 جىلى اتىس قارۋىن زاڭسىز ساقتاعانى ٷشٸن سوتتالدى. جالپى, تٷرمەدە 5 جىل 11 اي وتىرعان. بٸراق, ٶكٸنٸشكە قاراي, تٷزەلٸپ شىقپادى. سودان, بيىل قاڭتار ايىندا الماتىعا كەلٸپ, جالعا العان پەتەرلەردە تۇرىپ كەلگەن. سٶيتٸپ جٷرٸپ, قىلمىس جاساۋ ماقساتىمەن زاڭسىز 5,6 مم. يٸر ويىقتى اتىس قارۋىن ساتىپ الادى. بۇدان سوڭ, 17 شٸلدەدەن 18 شٸلدەگە قاراعان تٷنٸ, تٷنگٸ ساعات 3:52-دە بٸر قوناق ٷيدٸڭ قاسىنا كەلەدٸ. سٶيتٸپ, جەك كٶرۋشٸلٸك پيعىلمەن ٶزبەكستان ازاماتشاسىن اتىپ ٶلتٸرەدٸ. تەرگەۋ بارىسىندا ول ونى جەزٶكشەلٸگٸ ٷشٸن اتقانىن مەلٸمدەدٸ. كەيٸن, قوناق ٷي ماڭىندا اۆتوكٶلٸك يەسٸن قارۋمەن قورقىتىپ, ونىڭ كٶلٸگٸن يەمدەنٸپ, وقيعا ورنىنان ٸز جاسىرادى. الايدا, ول ٶزٸنٸڭ ۇستالاتىنىن بٸلەدٸ. سودان, تٷرمەدە وتىرعانى ٷشٸن قۇقىق قورعاۋ ورگاندارى قىزمەتكەرلەرٸنەن كەك الۋدى ۇيعارعان.
سٶيتٸپ, بٷگٸن 10 ساعات 54 مينۋتتا المالى اۋداندىق ٸشكٸ ٸستەر باسقارماسىنا كەلٸپ, ٸشكە ەنەدٸ. پوستىدا تۇرعان پوليتسييا قىزمەتكەرٸ ودان قۇجاتىن كٶرسەتۋدٸ تالاپ ەتەدٸ.
وسى سەتتە قىلمىسكەر تاپانشاسىن سۋىرىپ الىپ, پوليتسييا قىزمەتكەرٸنٸڭ باسىنان جەنە ٸشٸنەن اتادى. پوليتسييا قىزمەتكەرٸ ٶتە اۋىر جاراقات الادى. وسىدان كەيٸن قىلمىسكەر ونىڭ اۆتوماتىن يەمدەنٸپ سونداعى پوليتسييا قىزمەتكەرلەرٸنە قاراتا وق جاۋدىرادى.
ٷش پوليتسييا قىزمەتكەرٸن جەنە بٸر ازاماتتىق تۇلعانى جاراقاتتايدى. كەيٸن, دالاعا جٷگٸرٸپ شىعىپ, كٶشەدە ٶتٸپ بارا جاتقان اۆتوكٶلٸكتٸ توقتاتىپ, جٷرگٸزۋشٸگە قارۋ كەزەنٸپ, ونى قر ۇقك الماتى قالاسى بويىنشا دەپارتامەنتٸنە قاراي جٷرۋگە مەجبٷرلەيدٸ.
جولدا, قاسىنان ٶتٸپ بارا جاتقان پاترۋلدٸك ماشينانى كٶرٸپ قالادى. سول ارادا اۆتوماتتان وق اتىپ, ماشيناداعى ەكٸ پوليتسييا قىزمەتكەرٸن جاراقاتتايدى.
ۇقك دەپارتامەنتٸنە كەلگەن سوڭ, قىلمىسكەر جول جيەگٸندەگٸ پوليتسييا اۆتوماشيناسىن كٶرەدٸ. سول ارادا ماشينادان شىعادى دا, وندا وتىرعان پوليتسييا قىزمەتكەرلەرٸنە وق جاۋدىرادى. سونىڭ سالدارىنان بٸر پوليتسييا قىزمەتكەرٸ اۋىر جاراقات الىپ, ەكٸنشٸسٸ تيگەن وقتان وقيعا ورنىندا قازا تاپتى.
وسى سەتتە ۇقك دەپارتامەنتٸنٸڭ كەزەكشٸسٸ وعان وق جاۋدىرادى. اتىس بارىسىندا قىلمىسكەردٸ الىپ كەلگەن, جٷرگٸزۋشٸ وقيعا ورنىنان قاشىپ قۇتىلعان. ال قىلمىسكەر ەرٸ قاراي جٷگٸرٸپ, ٸشٸندە شەكارا قىزمەتٸنٸڭ ەسكەري قىزمەتشٸسٸ, اعا لەيتەنانتتى كٶرٸپ, ونىڭ ماشيناسىن تارتىپ الۋعا ەرەكەت جاسايدى. مۇنىسىنان تٷك شىقپاعان سوڭ, شەكارا قىزمەتكەرٸنە قارسى وق اتىپ, ونى سول جەردە اۋىر جارالايدى.
وسى سەتتە سول جەردەن ٶتٸپ بارا جاتقان ازاماتتىق تۇلعانى دا جاراقاتتايدى. العان جاراقاتتان قالا تۇرعىنى كٶز جۇمدى. بۇدان كەيٸن, سول جەردەن لادا اۆتوكٶلٸگٸن كٶرەدٸ. جٷرگٸزۋشٸسٸن ماشيناعا وتىرعىزىپ, وعان قارۋ كەزەنٸپ, قالا ورتالىعىنا قاراي جٷرۋگە مەجبٷرلەيدٸ. ماشينا شەۆچەنكو كٶشەسٸمەن ابىلاي حان داڭعىلىنا دەيٸن بارىپ, سولتٷستٸك باعىتقا جٷرگەن. جٷرگٸزۋشٸ جولدا ەدەيٸ باعدارشامنىڭ قىزىل تٷسٸنە ٶتٸپ كەتەدٸ. مۇنى بايقاعان جول پوليتسەيلەرٸ ماشينانىڭ سوڭىنا تٷسەدٸ. الايدا كٶلٸك جٷرگٸزۋشٸسٸ امالسىز توقتاماي ايداۋعا مەجبٷر بولادى.
پاترۋلدٸك ماشينا قىلمىسكەر مٸنگەن كٶلٸكتٸ ابىلاي حان – تٶلە بي كٶشەسٸ ماڭىندا جول جيەگٸنە تىقسىرىپ توقتاتادى. وسى سەتتە كٶلٸكتەن شىققان كۋليكباەۆ پوليتسييا قىزمەتكەرلەرٸنە قاراي وق اتادى. سول جەردە بٸر پوليتسييا قىزمەتكەرٸ ٶلٸمشٸ بولىپ جاراقات الدى. بۇدان ەرٸ قىلمىسكەر ابىلاي حان داڭعىلىمەن تٶمەن قاراي قاشقان. وسى سەتتە المالى اۋدانى بويىنشا مەملەكەتتٸك كٸرٸستەر دەپارتامەنتٸندە كٷزەتتە بولعان «كٷزەت» مامانداندىرىلعان كٷزەت قىزمەتٸنٸڭ قىزمەتكەرٸ ونى بايقاپ قالادى.
ول سەرٸكتەسٸنە پوليتسيياعا حابار بەرۋٸن سۇراپ, ٶزٸ قىلمىسكەردٸڭ ٸزٸنە تٷسەدٸ. ەكەۋٸنٸڭ اراسىندا اتىس باستالادى. سونىڭ سالدارىنان «كٷزەت» قىزمەتكەرٸ قىلمىسكەردٸ تٶرت جەرٸنەن جاراقاتتاپ, ٶزٸ باسىنان ٶلٸمشٸ بولىپ جاراقات الدى.
وسى سەتتە ەكٸنشٸ پوليتسييا قىزمەتكەرٸ جٷگٸرٸپ جەتٸپ, قىلمىسكەردٸ ۇستاپ, قولىنا كٸسەن سالادى. ال اتىس كەزٸندە اۆتوكٶلٸك جٷرگٸزۋشٸسٸ دە قاشىپ كەتەدٸ. الايدا, ونى كۋەگەرلەر قىلمىسكەردٸڭ سىبايلاسى دەپ ويلاپ قالعان. ول ۇستالدى. ودان كۋەگەر رەتٸندە جاۋاپ الىندى.
قازٸر بارلىق كۋەگەرلەردەن الدىن الا جاۋاپ الىندى. وسىلايشا, وقيعانىڭ مەن-جايى انىقتالدى. تٶرت جەرٸنەن جاراقات العان قىلمىسكەرگە وتا جاسالدى. قازٸر دەرٸگەرلەردٸڭ رۇقساتىمەن جەنە ادۆوكاتتىڭ قاتىسۋىمەن ودان جاۋاپ الىنىپ جاتىر. بۇل قاندى وقيعا 25 مينۋتقا سوزىلدى. 10 ساعات 54 مينۋتتا ول المالى اۋداندىق ٸشكٸ ٸستەر باسقارماسىنا كٸرگەن. ال 11 ساعات 19 مينۋتتا ۇستالدى. بٸر ايتا كەتەرٸم, ەشبٸر پوليتسييا قىزمەتكەرٸ ونى ۇستاۋ بارىسىندا سەسكەنۋشٸلٸك تانىتپادى, – دەدٸ ق. قاسىموۆ.
سونىمەن قاتار, مينيستر سٶز سوڭىندا جاراقاتتانعاندار مەن قازا تاپقان پوليتسييا قىزمەتكەرلەرٸنٸڭ وتباسىلارىنا تيٸستٸ ماتەريالدىق كٶمەك كٶرسەتٸلەتٸندٸگٸن ايتتى.
ايتا كەتەلٸك, قاندى وقيعا قر قىلمىستىق كودەكسٸنٸڭ «لاڭكەستٸك», «بيلٸك ٶكٸلٸنە قارسىلىق كٶرسەتۋ» جەنە «مەملەكەتتٸك نىساندارعا شابۋىل جاساۋ» باپتارى بويىنشا قارالۋدا.
قازاقپارات
