جاحمەتوۆانىڭ ايتۋىنشا، اعىمداعى جىلدىڭ 1 قىركۇيەگىنەن باستاپ جەر قويناۋىن پايدالانۋ قۇقىعىن الۋعا مۇددەلى تۇلعالار اۋكسيون وتكىزۋگە ونلاين رەجيمىندە ءوتىنىش بەرە الادى.
– 2020 جىلى قازاقستاندا 10 مۇناي-گاز جەر قويناۋى ۋچاسكەسىن ەلەكتروندىق اۋكسيون ارقىلى ساتۋ جوسپارلانۋدا، ولاردىڭ قول قويۋ بونۋسىنىڭ جالپى باستاپقى مولشەرى 400 ملن تەڭگە. قازىرگى ۋاقىتتا اۋكسيونعا قاتىسۋعا 30-دان استام ءوتىنىش كەلىپ ءتۇستى، – دەدى جانات جاحمەتوۆا.
كومىرسۋتەكتەردى يگەرۋ جانە ءوندىرۋ ءۇشىن مەملەكەت ۇسىناتىن ۋچاسكەلەردىڭ جالپى اۋدانى شامامەن 29 مىڭ شارشى شاقىرىم. ەلەكتروندىق ساۋدا-ساتتىقتى وتكىزۋ 2020 جىلعى 23 جەلتوقسانعا جوسپارلانعان (قاتىسۋعا وتىنىمدەر 29 قاراشاعا دەيىن قابىلدانادى).
بۇل يگەرۋ قۇقىعى ەلەكتروندىق تاسىلمەن ىسكە اسىرىلاتىن العاشقى ۋچاسكەلەر بولىپ تابىلادى. وسى ۋاقىتقا دەيىن اۋكسيوندار كوزبە-كوز رەجيمدە وتكەن، قاتىسۋشىلارعا، ءتىپتى ەگەر يگەرۋگە شەتەلدىك كومپانيا ۇمىتكەر بولعاننىڭ وزىندە، اۋكسيون زالدارىنا بارۋ قاجەت بولاتىن.
ەندى كارانتينگە بايلانىستى جانە كوپتەگەن حالىقارالىق اۋە رەيستەرى توقتاتىلعان كەزدە ساۋدا-ساتتىق ەلەكتروندىق تاسىلمەن جۇرگىزىلەتىن بولادى. بۇل مەملەكەتتىك ورگانداردى دا، بيزنەستى دە ايتارلىقتاي وپەراسيالىق شىعىنداردان بوساتادى.
