Jahmetovanyń aıtýynsha, aǵymdaǵy jyldyń 1 qyrkúıeginen bastap jer qoınaýyn paıdalaný quqyǵyn alýǵa múddeli tulǵalar aýksıon ótkizýge onlaın rejıminde ótinish bere alady.
– 2020 jyly Qazaqstanda 10 munaı-gaz jer qoınaýy ýchaskesin elektrondyq aýksıon arqyly satý josparlanýda, olardyń qol qoıý bonýsynyń jalpy bastapqy mólsheri 400 mln teńge. Qazirgi ýaqytta aýksıonǵa qatysýǵa 30-dan astam ótinish kelip tústi, – dedi Janat Jahmetova.
Kómirsýtekterdi ıgerý jáne óndirý úshin memleket usynatyn ýchaskelerdiń jalpy aýdany shamamen 29 myń sharshy shaqyrym. Elektrondyq saýda-sattyqty ótkizý 2020 jylǵy 23 jeltoqsanǵa josparlanǵan (qatysýǵa ótinimder 29 qarashaǵa deıin qabyldanady).
Bul ıgerý quqyǵy elektrondyq tásilmen iske asyrylatyn alǵashqy ýchaskeler bolyp tabylady. Osy ýaqytqa deıin aýksıondar kózbe-kóz rejımde ótken, qatysýshylarǵa, tipti eger ıgerýge sheteldik kompanıa úmitker bolǵannyń ózinde, aýksıon zaldaryna barý qajet bolatyn.
Endi karantınge baılanysty jáne kóptegen halyqaralyq áýe reısteri toqtatylǵan kezde saýda-sattyq elektrondyq tásilmen júrgiziletin bolady. Bul memlekettik organdardy da, bıznesti de aıtarlyqtaı operasıalyq shyǵyndardan bosatady.
