قوستانايدا Allur Campus اتتى زاماناۋي تۇرعىن ٷي كەشەنٸ اشىلدى. ول اۆتوموبيل زاۋىتىنىڭ قىزمەتكەرلەرٸ مەن ٶڭٸردٸڭ جاس ماماندارىنا ارنالعان, دەپ حابارلايدى Dalanews.kz.
جالپى اۋماعى 13,5 مىڭ شارشى مەتردەن اساتىن عيماراتتا شامامەن 300 ادام تۇرا الادى. كامپۋستا 71 وتباسىلىق پەتەر, 60 ستۋدەنتتٸك بٶلمە جەنە قوناقتاردى ۋاقىتشا ورنالاستىرۋعا ارنالعان 20 بٶلمە قاراستىرىلعان. ەر بلوك جەكە اسٷي جەنە سانيتارلىق توراپپەن جابدىقتالعان. تۇرعىنداردىڭ يگٸلٸگٸنە مەديتسينالىق پۋنكت, كٸتاپحانا, كومپيۋتەر سىنىبى, جاتتىعۋ زالى جەنە كٸر جۋاتىن ورىن دا اشىلعان.
قۇرىلىسى 2023 جىلى باستالعان نىسانعا 2,1 ملرد تەڭگەدەن استام ينۆەستيتسييا سالىنعان. جوبا تولىقتاي Allur كومپانيياسىنىڭ قارجىسىنا جٷزەگە اسىرىلدى. بٷگٸندە كومپانييا زاۋىتىندا 3,5 مىڭنان استام ادام ەڭبەك ەتەدٸ. العاشقى تۇرعىندار جاڭا كامپۋسقا 2025 جىلدىڭ تامىزىندا قونىستاندى.
"بٸز جاڭا پەتەرٸمٸزگە جايعاسىپ الدىق. مۇندا بەرٸ بار – جارىق بٶلمەلەر, اسٷي, دەمالىس ورىندارى. بۇل بٸزدٸڭ وتباسىمىز ٷشٸن ٷلكەن باقىت. جۇمىس تا, وقۋ دا جاقىن, بالالارعا جاعداي جاسالعان. كومپانييانىڭ بٸزگە دەگەن قامقورلىعىن سەزٸنەمٸز, بۇل بٸز ٷشٸن ٶتە ماڭىزدى", – دەيدٸ العاشقى قونىستانۋشىلاردىڭ بٸرٸ جومارت تۇرمىشەۆ.
Allur Campus اۆتوموبيل زاۋىتىنىڭ دەل قارسى بەتٸندە ورنالاسقان. جاقىن ماڭدا نيش مەكتەبٸ, مۇز ايدىنى, وبلىستىق فيلارمونييا, Kostanay Plaza ساۋدا ورتالىعى, "توبىل ارەنا" سپورت كەشەنٸ جەنە ٶزگە دە ينفراقۇرىلىم نىساندارى بار. بۇل تۇرعىندارعا جۇمىس, وقۋ جەنە دەمالىستى قاتار الىپ جٷرۋگە قولايلى جاعداي جاسايدى.
جوبا قوستانايدىڭ يندۋسترييالىق كلاستەرٸنٸڭ بٸر بٶلٸگٸ بولىپ تابىلادى. مۇندا اۆتوكومپونەنتتەر ٶندٸرٸسٸمەن قاتار مامانداردىڭ ٶمٸر سٷرۋٸنە جەنە دامۋىنا قاجەتتٸ جاعدايلار جاسالۋدا. ەكٸنشٸ كەزەڭدە 260 ورىندىق بالاباقشا جەنە سپورتتىق نىساندار – فۋتبول جەنە باسكەتبول الاڭدارى, جٷگٸرۋ جولدارى, workout-ايماقتار مەن ٷستەل تەننيسٸ الاڭدارىن سالۋ جوسپارلانعان.
"بٸز ٷشٸن ٶندٸرٸستٸ دامىتۋمەن قاتار, وسى ٶندٸرٸستٸڭ ارتىندا تۇرعان ادامدارعا قولايلى جاعداي جاساۋ دا ماڭىزدى. قىزمەتكەرلەرٸمٸز بەن ولاردىڭ وتباسىلارى قاۋٸپسٸز, زاماناۋي ەرٸ ىڭعايلى ورتادا ٶمٸر سٷرگەنٸن قالايمىز. بۇل – Allur فيلوسوفيياسىنىڭ بٸر بٶلٸگٸ: ادامعا قامقور بولۋ, جۇمىس پەن جەكە ٶمٸر اراسىنداعى تەپە-تەڭدٸكتٸ ساقتاۋ جەنە ٶڭٸردە جاڭا ٶمٸر ساپاسىنىڭ ستاندارتتارىن قالىپتاستىرۋ", – دەدٸ Allur اۆتوموبيل زاۋىتىنىڭ اتقارۋشى ديرەكتورى ارعۇلان مايقونوۆ.
وسىلايشا, Allur Campus جاڭا تۇرعىن ٷي كەشەنٸ عانا ەمەس, سونىمەن قاتار كومپانييانىڭ ادامي كاپيتالدى دامىتۋ جەنە زاماناۋي ٶمٸر سٷرۋ مەن جۇمىس ٸستەۋ جاعدايلارىن قۇرۋ ستراتەگيياسىن كٶرسەتەتٸن ماڭىزدى ينفراقۇرىلىمدىق نىسانعا اينالدى.
